________________
१६०
विसेसचुण्णि
[मासकप्पपगयं इदाणिं सड्डि त्ति दारं।
सोऊण ऊ गिलाणं, तूरंतो आगओ दवदवस्स । संदिसह किं करेमी, कम्मि व अट्ठे निउज्जामि ॥१८७७॥
"सोऊण०" गाहा । सुओ अणेणं गिलाणो । तत्थ से परमा सद्धा - एत्थ मए लाभो लभियव्वो त्ति दवदवस्स आगओ भणति-संदिसह जं मए कायव्वं, कम्मि वा अढे णिउज्जामि ।
पडिचरिहामि गिलाणं, गेलन्ने वावडाण वा काहं। तित्थाणुसज्जणा खलु, भत्ती य कया हवइ एवं ॥१८७८॥
"पडिचरिहामि०" गाहा । कण्ठ्या । जइ ते पहुप्पंति न सो निव्वेसबुद्धीए निव्विसियव्यो । भाणियव्वो-वच्च तुमं । सुत्तत्थाणि सारेहि। अह सो कुसलो -
संजोगदिट्ठपाढी, तेणुवलद्धा व दव्वसंजोगा।
सत्थं व तेणऽधीयं, वेज्जो वा सो पुरा आसि ॥१८७९॥ "संजोगदिट्ठपाढी०" गाहा । कण्ठ्या । तेण कायव्वं ।
अत्थि य से योगवाही, गेलन्नतिगिच्छणाएँ सो कुसलो। सीसे वावरेत्ता, तेगिच्छं तेण कायव्वं ॥१८८०॥
"अत्थि य से०" गाहा । जइ तस्स गच्छे जोगवाहिणो अत्थि, सो य गेलन्नकसलो, ताहे सीसं वायणं दवावेइ । सो तिगिच्छं करेइ ।
दाऊणं वा गच्छइ, सीसेण व वायएहि वा वाए । तत्थऽन्नत्थ व काले, सोहिऍ सव्वुद्दिसइ हटे ॥१८८१॥
"दाऊणं वा०" गाहा । सुत्तपोरुसिं अत्थपोरुसिं च दाउं गच्छति । सीसासईए जइ अप्पणओ सीसो वायणाए असत्तो, ताहे जइ गिलाणइत्ताण अत्थि, तेणं वायावेइ । 'तत्थन्नत्थ व'त्ति । अप्पणए वा गच्छे ठितया। गिलाणइत्ताण वा गच्छे वायावेइ । अह तेसि पि आयरियं मोत्तुं अन्नो नत्थि वायणसमत्थो ते य आगाढजोगवाही, ताहे भणइ-कालं सोहेज्जह । जत्तियाणि दिणाणि कालो सोहिओ तत्तियाणि दिवसाणि उद्देसणकालो। एक्कदिवसेण उद्दिसिस्सामि । जत्तियाणि दिवसाणि पमाओ कालग्गहणे कओ न वा सुद्धो ते उद्दिसिणकाला नो उद्दिसिज्जंति ।
१. अत्र मुच पुस्तके एवं टिप्पणी दृश्यते – 'गाथेयं चूर्णी विशेषचूर्णौ च 'अत्थि य' गाथानन्तरं वर्तते । परन्तु अस्मदृष्टायां हस्तप्रतौ एवंविधः क्रमभेदो न दृश्यते ।
