________________
१४१
भासगाहा-१७६७-१७७६] पढमो उद्देसो
"आणाइणो य दोसा०" गाहा । कण्ठ्या । विराहणा कहं संजमे आयाए य? अस्य व्याख्या -
महिमाउस्सुयभूए, रीयादी न विसोहए। तत्थ आया य काया य, न सुत्तं नेव पेहणा ॥१७७२॥
"महिमाउस्सुयभूए०" सिलोगो । इरियं न सोहेइ तत्थ कंटविट्ठि, माईहिं आतविराहणा। संजमविराहणा पंथे छक्काया । उत्सुकत्वेनैव नैव सूत्रमर्थं वा गुणयति, नापि प्रतिलेखनां करोति । एते गच्छंतस्स दोसा । प्राप्तस्यामी दोषाः -
चेइय आहाकम्म, उग्गमदोसा य सेह इत्थीओ। नाडग संफासण तंतु खुड्ड निद्धम्मकज्जा य ॥१७७३॥ "चेइय आहाकम्मं०" दारगाहा । एत्थं जं कप्पियं अकप्पियं वा तं भन्नइ । तत्रेयं गाहा -
साहम्मियाण अट्ठा, चउव्विहे लिंगओ जह कुटुंबी। मंगलसासयभत्तीइ जं कयं तत्थ आदेसो ॥१७७४॥ [नि०]
"साहम्मियाण अट्ठा०" गाहा । साधर्मिकानामर्थाय कृतम्, तस्येयं मार्गणा । चेइय त्ति दारं । तानि चेइयाणि चउव्विहाणि तं जहा-साहम्मियचे इयाणि, मंगलचेइयाणि, सासयचेइयाणि, भत्तिचेइयाणि । तत्थ साहम्मियाण अट्ठाए चउव्विहे त्ति भंगा सूइता । लिंगओ साहम्मिओ नो पवयणओ ४।२ "लिंगओ जह कुडुबि०" त्ति । वारत्तगो भणितं होइ । एयस्स कयं अम्हं कप्पइ । इमा विभासागाहा -
वारत्तगस्स पुत्तो, पडिमं कासी य चेइयहरम्मि । तत्थ य थली अहेसी, साहम्मियचेइयं तं तु ॥१७७५॥ "वारत्तगस्स पुत्तो०' गाहा । कण्ठ्या । मंगलचेइएसु विभासा -
अरहंतपइट्ठाए, महुरानयरीए मंगलाइं तु । गेहेसु चच्चरेसु य, छन्नईगामअद्धेसु ॥१७७६॥
"अरहंतपइट्ठाए०" गाहा । महुरानगरीए घरे कए पढमं अरहंता पइट्ठाविजंति मंगलनिमित्तं । जइ न करेंति घरं पडति । गामद्धेसु त्ति देसिभणिई छउन्नउइगामेसु भणितं होइ । उत्तरावहाणं एसा भणिती । सासयभत्तिचेइया एक्कगाहाए वक्खाणेइ ।
१. कंटट्टि ब । २. पवयणो साहम्मिओ नो लिंगओ, लिंगओ वि साहम्मिओ पवयणओ वि, नो लिंगओ साहम्मिओ नो पवयणओ ।
