________________
१३८ विसेसचुण्णि
[मासकप्पपगयं "जावइया रसिणीओ०" गाहा । कहं अउणापन्नं अंबिलीओ सत्त भरणा वि सत्तसत्तसत्तया अउणापन्नं ? उग्गमदोसाईएहिं । जइ बहुविहाओ अंबिलीओ भरणगुणिताओ सत्तहिं वा अट्ठहिं वा जाव सोलसहि वा सयग्गसो य भवंति भेदाः ।
मूलभरणं तु बीया, तहिँ छम्मासा न कप्पए जाव। तिन्नि दिणा कड्डियए, चाउलउदए तहाऽऽयामे ॥१७५८॥
"मूलं भरणं तु०" गाहा । आहाकम्मियाए अंबिलीए संजयट्ठाए आसुरिमाईणि बीयाणि संजयट्ठाए छुब्भति, अन्नं वा जइ फासुयं छुब्भति तहा वि छम्मासा न कप्पति, परेण कप्पति ।
अह काढिचाउलोदयमवस्सावणाइ फासुयं छुब्भति, ताहे तिन्नि दिवसा न कप्पति । चउत्थे दिवसे कप्पति । एयं आहाकम्मियाए अंबिलीए ।
एमेव सघरपासंडमीस जाव कीयपूइअत्तकडे। कय कीयकडे ठविए, तहेव वत्थाइणं गहणं ॥१७५९॥ जेण असुद्धा रसिणी, भरणं वुभयं व तत्थ जाऽऽरूवणा । सुद्धभय लहुसित्ते, कम्ममजीवे वि मुणिभरणे ॥१७६०॥
"एमेव य०" गाहापुव्वद्धं । "जेण असुद्धा०" गाहा । जहा आहाकम्मियअंबिलीए भणितं । एवं सघरमीसियाए, पासंडमीसियाए, जावंतियाए, कीयगडाए, पूइयाए, अत्तकडाए ।
इदाणिं अंबिलीणं का उग्गमकोडी ? का विसोहिकोडि ? त्ति तं भण्णति - संजयकडे य देसे, अप्फासुग फासुगे य भरिए य ।
अत्तकडे वि य ठविए, लहुगो आणाइणो चेव ॥१७६१॥ [नि०] "संजयकडे य०" गाहा पुरातना । अस्य व्याख्या - देसकडा मज्झपदा, आदिपदं अंतिमं च पत्तेयं । उग्गमकोडी व भवे, विसोहिकोडी व जो देसो ॥१७६२॥
"देसकडा मज्झपदा०" गाहा । सघरमीसियं पासंडमीसियं जावंतियं कीयगडं एए मज्झपया । एते देसकडा भन्नति । 'देसकड' त्ति संजयमीसिया एए उग्गमकोडी वा स्यात् विसोहिकोडी वा स्यात् । कहं ? सघरमीसं पासंडमीसं आहाकम्मियं च नियमा उग्गमकोडी अविशुद्धकोटिरित्यर्थः । पूइयं जावंतियं कीयगडं च विसोधिकोडी । आदिपदं नाम संजयकडं आधाकर्म इत्यर्थः । अंतिल्लं नाम आत्मार्थकतं ।
