Page Text
________________
१२४
विसेसचुण्णि
[मासकप्पपगयं सुत्तपोरुसिं काऊण निग्गच्छियव्वं । जइ अतिप्पए तीति मासलहुं, आणाए विराहणा । अद्दगं पेच्छित्ति वुत्ता, अहवा किं ओमंतिओसि सुत्तओ तो अप्पभाइयाए हिंडसिओ? सुहरत्तिं पुच्छसि ? कोइ वा पत्थियओ अवसउण त्ति पत्थिओ नियत्तो, पदुट्ठो वा जं काहिति । अथवा सुत्तियाओ बोहेइ अहिकरणं । अहवा न उदिति पच्छा अविरतका भणंति - संजयाए हिंडिता तह वि न उट्टेसि पंतावेज्ज, असंखडाइ पडुसेज्ज वा । संजयस्स एयस्स कारणा हम्मामि ।
अहवा सा भणेज्ज- नत्थि सो भद्दओ । भणति-कीस नत्थि ? एतेसिं दिवे दिवे ठविज्जासि । अहं भत्तगं देमि। तुमं रंधेऊण ठविज्जासि खंता दंता इति । एवमादी दोसा पए हिंडतस्स ।
जइ एयद्दोसभीओ उस्सूरे हिंडइ मासलहुं लभति । “अकाले चरसि भिक्खू०" [दश० अ० ५ उ० २ गा० ५] ठवियगदोसे वा । भणंति वा-तुब्भे एयं पि वेलं न याणाहि। पच्छा अग्गहणं । जम्हा एते दोसा तम्हा वेलाए हिंडियव्वं । उसिणस्स वि अपत्ते अइक्कंते य एते चेव दोसा। अहवा पए हिंडति उस्सक्कणं उस्सूरे उस्सक्कणं । तम्हा वेलाए हिंडियव्वं । काले त्ति गयं।
इदाणिं आवस्सए त्ति । आवस्सगं असोहंतो नीति मासलहुं, आणादिविराहणा। निग्गयस्स सन्ना जाया । जइ धरेइ वच्चनिरोधे जीवियसंदेहो, वोसिरइ उड्डाहो । विणा दवेण चउत्थरसिएण वा तो वि उड्डाहो । मा देह चउत्थरसियं । अह नियत्तइ भिक्खायरियाए वाघाओ परियाविज्जति य। तम्हा सोहेयव्वं । आवस्सय त्ति गयं । इदाणि संघाडए त्ति । तत्थ गाहा -
एगाणियस्स दोसा, साणे इत्थी तहेव पडिणीए।
भिक्खविसोहि महव्वय, तम्हा सबिइज्जए गमणं ॥१७०२॥ ___एगाणियस्स दोसा०" गाहा । एगाणिओ हिंडइ मासलहुँ, आणाइविराहणा। सो जइ भिक्खं सोहेइ, ताहे मग्गओ साणेण खइओ। अह साणजाइयं पलोएइ तो एसणं न रक्खइ । अहवा इत्थी एगाणियं पासित्ता पउत्थवइया रंडा वा भणति-जइ न इच्छसि तो उड्डाहं करेमि । आयपरतदुभयसमुत्था दोसा गेण्हणाई । अहवा दिटे संकाई पडिणीओ वा एगाणियं पासित्ता पंतावेज्ज । भिक्खाविसोही तिसु घरेसु एसणं न सोहेइ । अह गेण्हइ इमं तं निप्फण्णं । महव्वयाणि वा विराहेज्जा । एगाणिओ आउक्कायं आइएज्ज, मुसावायं वा भणेज्ज । कुंटलाइसु किंचि वा, हिरन्नाए पडुपण्णं भारियाए पासित्ता वा आसियालेज्ज । मेहुणे जे इत्थिए भणिता, भिक्खेण वा समं पडितं परिगेण्हइ । जम्हा एए दोसा तम्हा बिइज्जएण समं गंतव्वं । सो पुण इमेहिं कारणेहिं संघाडगं नेच्छइ -
१. अहसक्कणं इति भाव्यम् ? । २. गेण्हाई अ ।
| SR No. | 007786 |
| Book Title | Kappasuttam Vhas Vises Chunni Sahiyam Part 01 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 504 |
| Language | Prakrit |
| Classification | Book_Devnagari & agam_bruhatkalpa |
| File Size | 3 MB |