________________
११८
विसेसचुण्णि
[मासकप्पपगयं अंगारखड्डपडियं, दट्टण सुयं सुयं बिइयमन्नं । पवलित्ते नीणितो, किं पुत्ते नो कुणइ पायं ॥१६६८॥ तं वा अणक्कमंतो, चयइ सुयं तं च अप्पगं चेव । नित्थिण्णो हु कदाई, तं पि हु तारिज्ज जो पडिओ ॥१६६९॥
"तसजीवरक्खणट्ठा०" गाहाओ चत्तारि कण्ठ्याओ । ["जड़ से हवेज्ज सत्ती०" "अंगारखड्डपडियं०" "तं वा अणक्कमंतो०"] पडिलेहण त्ति गयं।
इदाणिं णिक्खमण त्ति दारं । कइ वारा पडिस्सयाओ निग्गंतव्वं ? एत्थ गाहा - निरवेक्खो तइयाए, गच्छे निक्कारणम्मि तह चेव ।
बहुवखेवदसविहे, साविक्खे निग्गमो भइओ ॥१६७०॥ [नि०]
"निरवेक्खो तइयाए०" गाहा । गच्छनिरवेक्खो जिणकप्पियाइ, सो तइयाए पोरुसीए निग्गंतुं हिंडइ । समुद्दिसित्ता सण्णं वोसिरित्ता तइयाए चेव पडिएइ । सावेक्खो पुण थेरकप्पियो । निक्कारणे -
गहिए भिक्खे भोत्तुं, सोहिय आवास आलयमुवेइ ।
जहिं निग्गओ तहिं चिय, एमेव य खेत्तसंकमणे ॥१६७१॥
"गहिए०" गाहा । तइयाए पोरुसीए भिक्खं हिंडित्ता पडिस्सए समुद्दिसित्ता सन्नाभूमि गंतुं तइयाए पडिएइ । खेत्तसंकमणे वि तइयाए चेव । कारणे पुण बहुविहो वक्खेवो भवइ । दशविधं वैयावृत्यं कुर्वत: एक्कं वा दो वा तिन्नि वा वारा निग्गमो होज्ज । अत्रेयं विभाषागाहा
अतरंतबालवुड्ढे, तवस्सिआएसमाइकज्जेसु । बहुसो वि होज्ज विसणं, कुलाइकज्जेसु य विभासा ॥१६७२॥ "अतरंतबालवुड्डे०" गाहा । कण्ठ्या । उच्चारविहारादी, संभमभयचेइवंदणाईया ।
आयपरोभयहेउं, विणिग्गमा वणिया गच्छे ॥१६७३॥ "उच्चार विहारादी०" गाहा । कण्ठ्या । निग्गमणं ति गयं । इदाणिं पाहुडिय त्ति - पाहुडिया वि हु दुविहा, बायरसुहुमा य होइ नायव्वा । एक्केक्का वि य एत्तो, पंचविहा होइ नायव्वा ॥१६७४॥
