________________
भासगाहा-१६६१-१६६७] पढमो उद्देसो
११७ "काएसु अप्पणा वा०" ["आयरिए य परिन्ना०"] गाहा । पुढविकायाईया छक्काया । तेसु सयं पइट्ठिओ उवहीए वि पइट्ठिओ ११ सयं पइट्ठिओ उवहीए न पइट्ठिओ २। सयं न पइट्ठिओ उवहीए पइट्ठिओ ३। दोहि वि न पइट्ठिओ ४। एवं मीसएसु वि, एवं अनंतेसु वि, परित्तेसु वि । तं पुण अणंतरपइट्ठिया परंपरपइट्ठिया वा होज्ज, जं पडिलेहित्तो संघट्टणाइ करेइ । सव्वत्थ सट्ठाणं पच्छित्तं । "छक्काय चउसु लहुगा०" [गा० ८७९] गाहा अणुगंतव्वा । दोहिं अपइटिए सुद्धो। छसु क्काएस त्ति गयं । इदाणि पडिग्गहनिक्खिवण त्ति दारं । तत्थ गाहा -
चउभागवसेसाए, पडिग्गहं पच्चुवेक्ख न धरेइ ।
उडुबद्धे मासलहुं, वासासु धरिति मासलहुं ॥ [पंचवस्तु ४४०] जं वा सव्वाणि चीवराणि पडिलेहिताणि भवंति, ताहे अइरेग भायणाणि पडिलेहेइ । पडिग्गह मत्तयं च । जइ ताहे चेव पडिलेहेइ तो मासलहुँ । तम्हा चउभागावसेसाए पोरिसीए पडिले हित्ता धरेइ । जइ धरणा परिक्कारेण ण बंधंति, उडुबद्धे मासलहुं । वासासु चउभागावसेसाए पडिग्गहगं च पडिलेहित्ता बंधियव्वं न धरेयव्वं । अह धरेइ मासलहं । पडिग्गह निक्खवण त्ति गयं ।
इदाणि पडिलेहणिया सपडिपक्खा (गा० १६६०) पडिपक्खो नाम बिइयपयं । किं पुन तं?
असिवे ओमोयरिए, सागारभए व रायगेलन्ने ।
जो जम्मि जया जुज्जइ, पडिवक्खो तं तहा जोए ॥१६६५॥
"आयरिए य परिन्ना०" गाहा । “असिवेहिं०" गाहा । कण्ठ्या । एएहि कारणेहिं न पडिलेहेज्ज । अणागयं वा अइच्छित्ते वा काले पडिलेहेज्ज दोसेहिं वा तरंतो पडिलेहेज्ज । एएहिं कारणेहिं असमत्थो वा गुरूणं न पडिलेहेज्ज अणागयं वा ।।
तसजीवरक्खणट्ठा, काएसु वि होज्ज कारणे पेहा । नदिहरणपुत्तनायं, तणू य थूरे य पुत्तम्मि ॥१६६६॥ जइ से हवेज्ज सत्ती, उत्तारिज्जा तओ दुवग्गे वि । थूरो पुण तणुअतरं, अवलंबतो वि बोलेइ ॥१६६७॥
१. बीय मुच।
