________________
भासगाहा-१६५०-१६६०] पढमो उद्देसो
११५ "सचित्तदवियकप्पं०" गाहा । कण्ठ्या । छव्विहं पि दवियकप्पं आयरंति । पव्वावण, मुंडावण, सिक्खावण, उट्ठावण, संभुंजण, संवासणं ति । मनसावन्ने वि नत्थि पच्छित्तं (१६३५) । किं कारणं? उच्यते -
जीवो पमायबहुलो, पडिवक्खे दुक्करं ठवेउं जे। केत्तियमित्तं वोज्झिति, पच्छित्तं दुग्गयरिणी वा ॥१६५५॥ "जीवो पमायबहुलो०" गाहा । कण्ठ्या ।
इदाणिं कारणनिप्पडिकम्म त्ति । (१६३५) निक्कारणे निप्पडिकम्मसरीरा गिलाणाइकारणं पडुच्च आयरियं वादि धम्मकहिं च पडुच्च पायधुवण - मुहपमज्जणाइ सपडिकम्मा पडिसेहो व जिणाणं ति (१६५७) इमाए सामायारीए इति वाक्यशेषः । अहवा जं जुज्जइ वा तगं वोच्छ जिणाणं पीति वाक्यशेषः ।
'भत्तं पंथो य भयणाए' त्ति (गा० १६३५) उस्सग्गेणं सइ लंभे, काले पहुप्पंते, भत्तं पंथो य तइयाए । असईए पढम-बिइय-तइय-चउत्थीसु वि ।
गच्छम्मि उ एस विही, नायव्वो होइ आणुपुव्वीए । जं एत्थं नाणत्तं, तमहं वोच्छं समासेणं ॥१६५६॥ सामायारी पुणरवि, तेसिं इमा होइ गच्छवासीणं । पडिसेहो व जिणाणं, जं जुज्जइ वा तगं वोच्छं ॥१६५७॥ "गच्छम्मि उ एस विही०" । "सामायारी पुणरवि०" । गाहाद्वयं कण्ठ्यम् । पडिलेहण निक्खमणे, पाहुडिया भिक्ख कप्पकरणे य । गच्छ सतिए अ कप्पे, अंबिल भरिए य ऊसित्ते ॥१६५८॥ परिहरणा अणुजाणे, पुरकम्मे खलु तहेव गेलन्ने । गच्छ पडिबद्धऽहालंदि उवरि दोसा य अववादे ॥१६५९॥
"पडिलेहण निक्खमणे०' ["परिहरणा०"] दारगाहाद्वयम् । तत्र प्रथम प्रतिलेखनेति द्वारम् । तस्याः प्रतिलेखनाया अनेन गाथासूत्रेण द्वाराणि गृहीतानि ।
पडिलेहणा उ काले, अपडिलेह दोस छसु वि काएसु ।
पडिगहनिक्खेवणया, पडिलेहणिया सपडिवक्खा ॥१६६०॥ "पडिलेहणा उ काले०" गाहा । तत्र प्रतिलेखना कालेति अस्य व्याख्या ।
