________________
११४ विसेसचुण्णि
[मासकप्पपगयं अभिगिज्झ अवक्कंतो हिंडइ जाव अंतं गओ गामस्स । अपज्जत्ते वि सन्नियट्टति १। पच्चागया नाम जइ अप्पज्जत्तं गामस्स अंताओ बिइयाए उज्जुघरोलीए हिंडंतो सन्नियट्टति २। गोमुत्तिया नाम ~~~ सो एवं गामस्स घराइं हिंडइ ३। पयंगवीहिया नाम जहा पतंगो उप्फिडिया उप्फिडिया गच्छति एवं तियमाईणि घराई मुयंतो हिंडइ ४ा अभितरसंबुक्का(१) एवं गामे घराई हिंडइ ५। बाहिरसंबुक्का एवं चेव । नवरं बाहिरहो अभितराहुत्तं जाइयव्वं ६। पेडा नाम • अद्धपेडा [७, ८]
काले अभिग्गहो पुण, आई मज्झे तहेव अवसाणे।
अप्पत्ते सइ काले, आई बिइओ अ चरिमम्मि ॥१६५०॥
"काले अभिग्गहो पुण०" पुव्वद्धं । पच्छद्धेण एवं चेव वक्खाणेइ । मज्झे हिंडतस्स इमे दोसा परिहरिया भवंति -
दितगपडिच्छगाणं, हविज्ज सुहुमं पि मा हु अचियत्तं । इअ अप्पत्ते अइए, पवत्तणं मा ततो मज्झे ॥१६५१॥ "दितग०" गाहा । कण्ठ्या । पवत्तणदोसो य परिहरिओ भवइ । भावओ - उक्खित्तमाइचरगा, भावजुया खलु अभिग्गहा होति । गायंतो व रुदंतो, जं देइ निसन्नमादी वा ॥१६५२॥ "उक्खित्तमाइ०" गाहा । कण्ठ्या । आइग्गहणेण उछित्तओ वा संचिट्ठत्तओ वा ।
ओसक्कण अहिसक्कण, परम्मुहाऽलंकिएयरो वा वि । भावन्नयरेण जुओ, अह भावाभिग्गहो नाम ॥१६५३॥
"ओसक्कण०" गाहा । ओसक्कंतो जो देइ । उसक्कणं नाम गच्छंतओ जं देइ, परम्मुहालंकृताः प्रतीताः । जुत्तो त्ति दुटुओ । भावन्नयरेणं ति पसत्थभावो वा अपसत्थभावो वा । अहवा ओदयादि विभासा । अभिग्गहे त्ति गयं ।
इदाणिं पव्वावणमुंडावण त्ति दारं ।
सचित्तदवियकप्पं, छव्विहमवि आयरंति थेरा उ। कारणओ असहू वा, उवएसं दिति अन्नत्थ ॥१६५४॥
१. यस्यां तु साधुः पेटावत् चतुरस्रं विभज्य मध्यवर्तिनी गृहाणि मुक्त्वा चतुसृष्वपि दिक्षु समश्रेण्या भिक्षामटति सा पेट । अर्द्धपेटाप्येवमेव नवरमर्द्धपेटासदृशसंस्थानयोदिग्द्वयसम्बद्धयोर्गहश्रेण्योरत्र पर्यटति मलवृ।
