________________
भासगाहा-१६२२-१६३२] पढमो उद्देसो
१०९ सुयपरिग्गहो जहण्णेणं अट्ठपवयणमायाओ, उक्कोसेणं चोद्दसपुव्वाइं ।
संघयण धिती उसग्गा आयंका एए चत्तारि वि एक्कगाहाए वक्खाणेइ - सव्वेसु वि संघयणेसु होति धिइदुब्बला व बलिया वा।
आतंका उवसग्गा, भइया विसहंति व न व त्ति ॥१६२८॥
"सव्वेसु वि संघयणेसु०" गाहा । संघयणं पि छव्विहं पि, धिईए बलिया वि दुब्बला वि, उवसग्गा उप्पज्जंति वि न उप्पज्जति वि । आयंक-उवसग्गे उप्पन्ने सहति केइ, केइ न सहति ।
वेयणा वसही य एक्कगाहाए वक्खाणेइ - दुविहं पि वेयणं ते, निक्कारणओ सहति भइया वा।
अममत्त अपरिकम्मा, वसही वि पमज्जणं मोत्तुं ॥१६२९॥
"दुविहं पि वेयणं ते." गाहा । वसही अममत्ता अपरिकम्मा । तीसे असईए सममत्ता सपरिकम्मा । केइ जणा थंडिल्लं च एक्कगाहाए भणति -
तिगमाईया गच्छा, सहस्स बत्तीसई उसभसेणे।
थंडिल्लं पि य पढमं, वयंति सेसे वि आगाढे ॥१६३०॥ "तिगमाईया गच्छा०" गाहा । कण्ठ्या । किच्चिर कालं वसिहिह, न ठंति निक्कारणम्मि इइ पुट्ठा ।
अन्नं वा मग्गंती, ठविंति साहारणमलंभे ॥१६३१॥ "केच्चिर कालं वसिहि०" गाहा । कण्ठ्या ।
एमेव सेसएसु वि, केवइया वसिहिह त्ति जा नेयं । निक्कारण पडिसेहो, कारण जयणं तु कुव्वंति ॥१६३२॥ "एमेव सेसएसु०" । एमेव सेसएसु वि त्ति उच्चारे, पासवणे,
ओवासे तणफलए सारक्खणया संठवणता य ।
पाहुडदीवे अग्गी ओहाण वसे कइ जणा य (१६२५) त्ति एतेसु दारेसु निक्कारणे पडिसेहो । कारणे जयणं कुव्वंति । कहं ? उच्चारपासवणं अत्थ अकालसण्णाभूमीए नाणुण्णायं, तत्थ निक्कारणे न चेव ठायंति, असिवाईहिं कारणेहि ठायंति। तत्थ जयणा-उच्चार-पासवण
