________________
विसेसचुण्णि
[मासकप्पपगयं भत्तट्ठिया व खमगा, अमंगलं चोयणा जिणाहरणं । जइ खमगा वंदंता, दाइंतियरे विहिं वोच्छं ॥१५७६॥
"भत्तट्ठिया व०" गाहा । ते य तद्दिवसं भत्तट्ठिया वा खमगा वा होज्ज । द्विधाप्यविरोधो। भत्तट्ठिया नाम समुद्दिसति । खमगा नाम अब्भत्तट्ठिया । चोयगो भणइ-पविसंता चेव अमंगलं करेंति जं अब्भत्तट्ठिया । आयरियाह-एयं चेव मंगलं जं तवो कीरइ । "जिणाहरणं" ति वद्धमाणसामी छट्ठभत्तिओ पव्वइओ । जइ खमगातो वंदंता चेव चेइयाइं दावेंति कुलाई दाणाइणि । इयरे त्ति भत्तट्ठिया तेसिं विहिं भणामि । एगेसिं आएसोआयरियवज्जा सव्वे उग्गाहिएहिं चेइयाई वंदंतु । अन्नेसिं गच्छमासज्ज तावइया उग्गाहेंतु बहूण दाउकामो वि न देइ । आयरिया भणंति -
सव्वे दटुं उग्गाहिएण ओयरिय भय समुप्पज्जे । तम्हेक्क दोहि तिहिँ वा, उग्गाहिय चेइए वंदे ॥१५७७॥ "सव्वे दटुं उग्गाहिएण०" गाहा । कण्ठ्या । सद्धाभंगोऽणुग्गाहियम्मि ठवणाइया भवे दोसा। घरचेइय आयरिए, कयवयगमणं च गहणं च ॥१५७८॥
"सद्धाभंगो०" गाहा। जइ न कोइ उग्गाहेइ ताहे चेइयाइं वंदंते दट्रण कोइ धम्मसद्धिओ फासएणं भत्तपाणेणं निमंतेज्जा । तत्थ भाणं नत्थि त्ति अगिण्हताणं सद्धाभंगो भवति । अह भणंति-अच्छ ताव जाव भाणं आणेमो । तत्थ ठवियगदोसा । आइगहणेण बहुतरं देमो त्ति छक्कायसमारंभं कुज्जा । देवकुलचेइयाई वंदित्ता घरचेइयाई वंदियव्वाई। तत्थ काइहि वि जणेहि सद्धिं आयरियो वंदओ जाइ, इयरे भिक्खं चेव हिंडंता वंदिहिति । तत्थ जइ फासुएण आयरियो निमंतिज्जइ तो घेत्तव्वं ।
दाणे अभिगम सड्ढे, सम्मत्ते खलु तहेव मिच्छत्ते । मामाए अचियत्ते, कुलाइँ दाइंति गीयत्था ॥१५७९॥ "दाणे अभिगम सड्ढे०" गाहा । कण्ठ्या । चेइया वंदंता एयाई खेत्तपडिलेहया अक्खंति । दाणे अभिगम सड्ढे, सम्मत्ते खलु तहेव मिच्छत्ते । मामाए अचियत्ते, कुलाइँ ठाविति गीयत्था ॥१५८०॥ दाणे अभिगम सड्डे, समत्ते खलु तहेव मिच्छत्ते । मामाए अचियत्ते, कुलाइँ अठविंति चउगुरुगा ॥१५८१॥
