________________
८५
भासगाहा-१४९८-१५०५] पढमो उद्देसो उवम त्ति भण्णइ-सायरसरिसा आयरिया, जहा समुद्दो वडई हायई य एवायरिया वि, जत्तिया निग्गया तत्तिया एंति । जहा अम्हे निग्गया तया एत्तिया आसि, इदाणिं न याणामो हीणा वा अहिया वा होज्ज त्ति ।
पुव्वं दिट्ठ विच्छइ, अहव भणिज्जा हवंतु एवइया । तत्थ न कप्पइ वासो, असई खेत्तस्सऽणुन्नाओ ॥१५०२॥
"पुव्वं दिढे विच्छइ०" गाहा । अहवा तेण ते पुव्वं दिट्ठा । सो भणइ-जे तुब्भ आयरियसंतया ते वसंतु, तेसिं सीलसमुदायारं जाणामि, सेसाण ण देमि । इस्सालुयत्तणेण सव्वं वा काइण ण भज्जइ' त्ति । अहवा भणेज्ज-जेव तेव एत्तिया अच्छंतु, तत्थ निक्कारणे न वट्टइ अच्छिउं । अह असिवादीणि बहिया खेत्तस्स, असती य अन्नोवस्सयस्स ताहे तत्थ वि ठायति । अणागयं अत्थं सूएइ।
सक्कारो सम्माणो, भिक्खग्गहणं च होइ पाहुणए। जइ वसइ जाणओ तहि, आवज्जइ मासियं लहुगं ॥१५०३॥
"सक्कारो सम्माणो०" गाहा । एवं तेसिं कारणे ठियाणं जइ पाहुणओ एज्ज, तस्स सव्वपयत्तेण सक्कारो सम्माणो कायव्वो३ भिक्षाग्रहणं च । जइ सा वसही जेसि व तेसि व परिमित्ताण दिण्णा विस्सासेण ताहे वत्थव्वा निग्गंतूण अण्णत्थ वसंति, तत्थ पाहुणया वसंति । अह वत्थव्वाण चेव दिन्ना ताहे तेसिं आएसाणं सागारियवयणं सिस्सइ । जइ वसइ जाणओ तहिं आवज्जइ मासियं लहुयं ।
किइकम्म भिक्खगहणे, कयम्मि जाणाविओ बहिं वसइ । हियनढेसुं संका, सुण्हा उब्भाम वोच्छेदो ॥१५०४॥
"किइकम्म भिक्ख०" गाहा । तओ सो पाहुणओ किइकम्मभिक्खागहणे कए जाणावितो संतो बाहिं वसइ । अह जाणाविओ वि संतो न वच्चइ । जं सो सागारिओ पदुट्ठो कोहिइ तन्निप्फण्णं । हियनटे आसंका, सुण्ह उब्भाम वोच्छेओ। केवइया तत्थ सारे उवसम त्ति गयं । केवइ कालेणेहिह, सागारं च बेंति अन्ने वि । एयं उवरि भण्णिहिति । एवं वसहीए लद्धाए -
पडिलेहियं च खेत्तं, थंडिलपडिलेहऽमंगले पुच्छा । गामस्स व नगरस्स व, सियाणकरणं पढम वत्थु ॥१५०५॥
१. भज्जति अ । २. जायंति अ । ३. एवं....कायव्यो नास्ति क, अन्योऽपि पाठो भ्रष्टो दृश्यते । ४. सागरे उवम इति भाव्यम् ? |
