________________
भासगाहा-१४८९-१४९७] पढमो उद्देसो
८३ परिच्छित्ता' इत्थी-पसु-पयंगविवज्जिया वसही मग्गियव्वा ।
देउलियअणुण्णवणा, अणुण्णविऍ तम्मि जं च पाउग्गं । भोयण काले किच्चिर, सागरसरिसा उ आयरिया ॥१४९६॥
"देउलिय अणुण्णवणा०" गाहा । देउलियं अणुजाणावेंति । देउलिया नाम जा सभा पवा वा जणविमुक्का देउलियाए वा जे पासे मढा । किं निमित्तं देउलिया अहिगया? उच्यतेसा पाएणं देउलिया गामनगराईणं बाहिं होइ । उस्सग्गेण य बाहिर ठाइयव्वं । ताओ य विचित्तावगासाओ इत्थी-पसु-पंडगविरहियाओ य, तेण देउलिया अहिकया । जइ तारिसी नत्थि, बाहिं वा सपच्चवायं, ताहे अंतो वि मग्गिज्जइ । जो पभू सो भण्णइ-अम्हे इह अच्छेज्जामो जई वसहिं देह । सो भणइ-ठाह । अणुण्णवणा गया।
इदाणिं अणुण्णविए जं च होइ पाउग्गं ति । पुणो भण्णइ-अम्हं जं पाउग्गं तं अणुजाणेहि। सो जइ जाणओ भणइ य - अणुजाणामि तो सुंदरं । अह भणेज्ज - किं तुब्भं पाउग्गं ति? ताहे भण्णइ -
"इक्कडकढिणे मासो०" गाहा । कण्ठ्या । नवरं कलिंचि त्ति तणपूलिया । दव्वे तणडगलाई, अच्छणभाणाइधोवणा खित्ते ।
काले उच्चाराई, भावि गिलाणाइ कुरुवमा ॥१४९७॥४
"दव्वे तणडगलाई०" गाहा । दव्वे तण-डगल-छार-मल्लाई । खेत्ते अच्छयण-भायणधोयणाई । काले उच्चार-पासवणाई । तं कत्थ आयरामो मा वा ? उच्चारस्स य बाहिं गम्मइ । गयाण वि य जाहे पुणो वि अवेलाए होज्ज ताहे कत्थ कायव्वं? पासवणस्स पुण किं सक्का बाहिं गंतुं? भावे गिलाणाई । एवं कहिए जइ अणुजाणइ तो सुंदरं । अह भणइ-मए तुज्झ वसही दिन्ना, अन्नं अहं न याणामि त्ति । अणुन्नविए जं च होइ पाउग्गंति त्ति गयं।
इदाणि भोयण त्ति । तस्स कूरुवमा कीरइ । जहा केणइ कूरो जाइओ । पच्छा से ण्हाणोदय-मंडलयाई पेज्जा-ओगाहिमय-कूरकुसणाईणि नाणप्पगाराणि दिज्जंति । तेण ताई किं जाइयाई? तो से ताण दिज्जति । जेणं कुरं जाइयं तेण सव्वं चेव जाइयं भवति । एवं तुमए वि अम्हं वसहिं देंतेणं सव्वाणि वि दिण्णाइं भवंति । तहा वि अम्हे जायामो । अह न देसि तो किं अम्ह चारगवसहीए त्ति? तओ -
१. पडिच्छित्ताओ अ, परियच्छित्ता ब ड । २. वयाहिं ब क । ३. नवरि अ । ४. अत्र मुच पुस्तके गाथाव्युत्क्रमो दृश्यते-जं० १४९७, इक्कड १४९९। ५. कूरोवमा अ।
