________________
३६
विसेस
[ मासकप्पपगयं
आगंतुया पाहुणया आगया उवसंपन्नया वा तेसिं भावं अयाणंतो उप्पत्तियाओ सामायारी ठावेंति । उप्पत्तियाओ नामं अणुप्पन्नाओ सामायारीओ उप्पाएंति । ते पुण धन्नसालाइसु ठिया । आदिग्रहणाद् घृतशालादिषु मा कोइ चोरिज्जति । ताहे पिंडवायाईणं अट्ठाए निग्गच्छंते साहुणो भणति - जो निग्गच्छइ सो पडिग्गहयं पडिदंसेत्ता निग्गच्छउ, अदंसिए न निग्गंतव्वं । एवमाइ ठावेंति सामायारीओ । मा अहिमरा होज्ज, जहा उदाइमारओ । आइग्गहणेणं चोरो पडिलेहिउं पविसइ त्ति । पडिप्पविसंतेण वि सव्वं पडिलेहित्ता पविसियव्वं । अइसेस त्ति गयं ।
इदाणि जणवयपरिक्ख त्ति दारं । तत्थ गाहा
अब्भे नदी तलाए, कूवे अइपूरए य नाव वणी । मंसफलपुप्फभोगी, वित्थिन्ने खेत्त कप्प विही ॥१२३९॥
“अब्भे णईतलाए०” । सो देसदंसणं करेंतो जणवए परिच्छइ । कस्स जणवयस्स कहं धन्ननिप्फत्ती भवति ? अब्भेहि जहा लाडविसए, कच्छाणं ( कत्थइ ) | नईए जहा सिंधुविसए, तलाएहि जहा दमिलविसए सोमिस्सरे वा, कूवेहिं जहा अरहट्टेहिं, अइपुरए जहा वेला निग्गच्छति, बेट्टे नावाए । जत्थ देसे नावाए धन्नं एइ । " वणि "त्ति जत्थ गामाइम्मि वाणिज्जेणं वित्ती भवति, न करिसेणं । "मंसे "त्ति जत्थ मंसविक्कएणं वित्ती भवति जत्थ वा दुब्भिक्खे उद्दवियं मंसेणं लाढेंति कालं । “पुप्फे "त्ति जत्थ पुप्फविक्कणं वित्ती भवति । एवं फलविक्कएणं वि । काणि विच्छिन्नाणि खेत्ताणि ? कम्मि खित्ते को कप्पो ? जहा सिंधुविसए अणमिसाइ आहारो अगरहिओ । “विहि "त्ति कम्मि देसे जो जारिसो आयारो जहा सिंधूविसए वियट्टभायणेसु पाणयं अगरहितं भवति । कच्छविसए गिहत्थसंसट्टे वि उवस्सए वसंताणं नत्थि दोसो ।
सज्झायसंजमहिए, दाणाइसमाउले सुलभवित्ती ।
कालुभयहिए खेत्ते, जाणइ पडणीयरहिए य ॥१२४०॥
"सज्झाय संजमहिए० " गाहा । सज्झायहियं अखंडाओ सुत्तत्थपोरसीओ जत्थ । संजमहियं संजमो हितो भवति अप्पहरियाई । “दाणाइ "त्ति जत्थ दाणसड्डो, आइग्गहणेणं अभिगमनसीलो जणो आगंतु अप्पिओ संवासप्पिओ वा । "कालु भए" त्ति वासावासपाउग्गाणि खेत्ताणि उउबद्धपाउग्गाणि य । एयाणि देसदरिसणं करेंतो जाणइ । जम्हा एए गुणा तम्हा देसदरिसणं काउं दायव्वं सुयं । अकयदेसदरिसणेण न वट्टइ दाउ सुयं । अणिअओ (गा० ११३२) । वासोत्ति गयं ।
इदाणि निप्फत्ति दारं ।
