________________
३४
विसेसचुण्णि
[मासकप्पपगयं आयरियत्तअभविए, भयणा भविओ परीइ नियमेणं ।
अप्पतइओ जहन्ने, उभयं किं चाऽऽरियं खेत्तं ॥१२२५॥ ["जो वि पगासो०"] "आयरियत्त०' इमे य गुणा देसदर्शने भवंति - दसणसोही देसप्पवेस अइसेस जणवयपरिच्छा ।।
काउं सुयं दायव्वं, अविणीयाणं विवेगो य ॥१२२६॥ "दंसणसोही०" दारगाहा । दंसणसोही कहं भवति ?
जम्मणणिक्खमणेसु य, तित्थयराणं महाणुभावाणं । इत्थ किर जिणवराणं, आगाढं दंसणं होई ॥१२२७॥
"जम्मण निक्खमणेसुं०" गाहा । हं जाता, इहं निक्खंता, इहं नाणं उप्पन्नं, इहं परिनिव्वुया । एयाणि दटुं बहुजणस्स य सोउं निस्संकितं भवति । एवं दंसणसोही भवति । किञ्चान्यत् -
संवेगं संविग्गाणं जणयए सुविहिओ सुविहियाणं ।
आउत्तो जुत्ताणं, विसुद्धलेसो सुलेस्साणं ॥१२२८॥
"संवेगं संविग्गाणं०" गाहा । 'एस किर आयरिओ होहिति' तो देसदसणं करेइ तं संजमजुत्तायारं, तिव्वसद्धासंपन्नं पासित्ता अन्नेसि पि संविग्गाणं तिव्वतरं सद्धं जणेइ । दंसणसोहि त्ति गयं ।
इदाणिं देसपविसि त्ति दारं । णाणदेसीकुसलो, नाणादेसीकयस्स सुत्तस्स । अभिलावअत्थकुसलो, होइ तओ णेण गंतव्वं ॥१२२९॥ कहयति अभासियाण वि, अभासिए वि पव्वयावेइ । सव्वे वि तत्थ पीइं, बंधति सभासिओ णे त्ति ॥१२३०॥ पियधम्मऽवज्जभीरू, साहम्मियवच्छलो असढभावो ।
संविग्गावेइ परं, परदेसपवेसणे साहू ॥१२३१॥ "णाणादेसी कुसलो३०" ["कहयति०" "पियधम्म०"] गाहाओ तिण्णि ।
१. संवेग्ग अ ब । २. अत्र च विशेषचूर्णिकृता दर्शनशुद्धिद्वारमेव विवृण्वतेयं गाथा गृहीता....स्थिरीकरणद्वारं तु मूलत एव नोपात्तं । द्वारगाथायामपि "दंसणसोही देसप्पवेस अइसेस जणवयपरीच्छा" इत्येष एव पाठो गृहीतः । मलवृ । ३. कुसलाओ अ ब ।
