Page Text
________________
પ્રભુ જંભિક ગામ પાસે આવ્યા ત્યાં ઋજુવાલુકા નામની નદીને કિનારે ચામાક નામના ખેડુના ખેતરમાં ધ્યાન કરતાં પ્રભુને કેવળ જ્ઞાન ઉત્પન્ન થયું; એટલે જ્ઞાનરૂપી ચક્ષથી ત્રણે લોકના સર્વ ભાવોને તે જાણવા લાગ્યા : તથા લોકોને દયામય એવા સત્ય જૈન ધર્મને ઉપદેશ દેવા લાગ્યા. પછી વિહાર કરીને તે મહાવીર પ્રભુ મધ્યમ પાવાપુરી નામની નગરીમાં આવ્યા. ત્યાંના સેમિલ નામના એક બ્રાહ્મણે ત્યાં એક મોટો યજ્ઞ આરંભ્યો હતો; તે પ્રસંગે દેશ વિદેશથી ઘણું બ્રાહ્મણે ત્યાં એકઠા થયા હતા. તેઓમાં ઈંદ્રભૂતિ, અગ્નિભૂતિ, વાયુભૂતિ, વ્યક્ત, સુધર્મ, મંડિત, મૌર્ય પુત્ર, અકંપિત, અચળ બ્રાતા, મેતાર્ય અને પ્રભાસ નામે અગ્યાર બ્રાહ્મણે વેદના સર્વ અર્થોને જાણનારા મહા પંડિત હતા. તેઓના મનમાં એવું તે અભિમાન હતું કે, અમો સર્વજ્ઞ છીએ, અમારા સરખા આ દુનિયામાં કઈપણ વિદ્વાન નથી; એમ સર્વત્તપણાનું અભિમાન લાવી તેઓ સર્વે યજ્ઞ સંબંધી કાર્ય કરતા હતા, તેઓના દરેકના મનમાં વેદના કેટલાંક પદોના અર્થ માટે સંશય હતો, પરંતુ પોતાના સર્વત્તપણાના અભિમાન માટે તેઓ તે સંશય પરસ્પર કોઈને પૂછતા નહીં. એવામાં તેઓએ ત્યાં મહાવીર પ્રભુનું આગમન થયેલું સાંભળ્યું, તથા લાકના મુખથી એવું પણ સાંભળ્યું કે, આ મહાવીર પ્રભુ ખરેખરા સર્વજ્ઞ છે; કેમકે તે સર્વ લોકોના મનની વાત પણ સંદેહ રહિત કહી આપે છે. આથી તેઓમાંના મોટા ઇદ્રભૂતિને પિતાના મનમાં એવી ઈર્ષ્યા થઈ કે, હું બેઠાં છતાં અહીં તે સર્વરપણું ધારી શકે એ હું સહન કરું નહીં; માટે હમણાજ જઈ તે મહાવીરને વાદમાં છતીને તેના સર્વજ્ઞપણાનું અભિમાન ઉતરાવી નાખું; એમ વિચારી ઇદ્રભૂતિ શ્રી મહાવીર પ્રભુ પાસે આવ્યા ત્યારે દૂરથી જ મહાવીર પ્રભુએ તેમને તેમના નામપૂર્વક બોલાવી સન્માન આપ્યું ત્યારે તેણે વિચાર્યું કે, આ મારું નામ કેમ જાણે છે ? વળી તેણે વિચાર્યું કે, અરે ! હું તો દેશ વિદેશમાં પ્રખ્યાત પંડિત છું, માટે મારું નામ પ્રસિદ્ધ છે, તેમાં કંઈપણ આશ્ચર્ય નથી. એટલામાં પ્રભુએ તેને કહ્યું કે, હે ઈંદ્રભૂતિ ! તમારા મનમાં વેદના અમુક પદને સંશય છે, પરંતુ તમે તે પદનો અર્થ સમજતા નથી; એમ કહી ભગવાને તે પદને ખરેખરો અર્થ તેને સમજાવ્યો, આથી ઇદ્રભૂતિએ તો પોતાનું
અભિમાન છોડીને તુરત પ્રભુને ચરણે નમીને દીક્ષા લીધી. એવી રીતે ઈદ્રભૂતિએ દીક્ષા લીધાના ખબર સાંભળીને અશ્ચિમૃતિ આદિક અગ્યારે વિદ્વાને અનુક્રમે પ્રભુ પાસે આવવા લાગ્યા, અને પ્રભુ પણ તેઓના મનને સંદેહ દૂર કરવા લાગ્યા; તેથી તેઓ સઘળાએ પ્રભુ પાસે દીક્ષા લીધી, તથા મિથ્યાત્વને તજીને શુદ્ધ ચારિત્ર
| SR No. | 007286 |
| Book Title | Jain Itihas |
| Original Sutra Author | N/A |
| Author | Jain Dharm Vidya Prasarak Varg |
| Publisher | Jain Dharm Vidya Prasarak Varg |
| Publication Year | 1908 |
| Total Pages | 168 |
| Language | Gujarati |
| Classification | Book_Gujarati |
| File Size | 12 MB |