________________
પરિશિષ્ટ-૧૩
યોગશતકગ્રંથની ૧૦૦ ગાથાઓ
णमिऊण जोगिणाहं, सुजोगसंदंसगं महावीरं । वोच्छामि जोगलेसं, जोगज्ज्ञयणाणुसारेणं ।।१।। निच्छयओ इह जोगो सण्णाणाईण तिन्ह संबंधो । मोक्खेण जोयणाओ णिद्दिट्ठो जोगिनाहेहिं ||२|| सण्णाणं वत्थुगओ बोहो, सद्दंसणं तुं तत्थ रुई । सच्चरणमणुट्ठाणं विहि- पडिसेहाणुगं तत्थ ||३|| ववहारओ उ एसो विन्नेओ एयकारणाणं पि । जो संबंधो सो वि य कारण कज्ज़ोवयाराओ ||४|| गुरुविणओ सुसाइया य विहिणा उ धम्मसत्थेसु । तह चेवाणुट्ठाणं विहि - पडिसेहेसु जहसत्तिं ||५|| एत्तो च्चिय कालेणं नियमा सिद्धी पगिट्ठरुवाणं । सण्णाणाईण तहा जाय अणुबंधमावेणं ||६|| मग्गेणं गच्छंतो सम्मं सत्तीए इट्ठपुरपहिओ । जह तह गुरुविणयाइसु पयट्टओ एत्थ जोगि त्ति ||७|| अहिगारिणो उवाण होइ सिद्धी समत्थवत्थुम्मि | फलपगरिसभावाओ विसेसओ जोगमग्गम्मि ||८|| अहिगारी पुण एत्थं विण्णेओ अपुणबंधगाइ ति । तह तह णियत्तपगईअहिगारो णेगमेओ त्ति ||९|| अणियत्ते पुण तीए एगंतेणेव हंदि अहिगारो । तप्परतंतो भवरागओ दढं अणहिगारि ति ||१०||
