________________
ક્ષણિકનો બોધ અને નિત્યનો અનુભવ
oooooooo o ooooooooooooooooooo. રાગમાં ધર્મ માનવો એટલે મિથ્યાત્વ -૦૦૦૦૦૦૦૦૦૦૦૦૦૦૦૦૦ ૦ ૦૦૦૦૦૦૦૦૦૦૦૦૦૦૦૦૦
જ્ઞાનીએ રાગભાવમાં ધર્મ ન માનવા પર વિશેષ જોર આપ્યું છે. દ્વેષભાવને તો કોઈ ધર્મ માનતા નથી, રાગમાં પણ શુભરાગ કહ્યો છે, અશુભરાગ નહીં કારણ કે અશુભરાગને પણ કોઈ ધર્મ માનતા નથી, શુભરાગને ધર્મ માનવાવાળા ડગલે ને પગલે જોવા મળે છે. રસગુલ્લા પ્રત્યે થતા અશુભરાગને તો કોઈ ધર્મ માનતું નથી પણ વીતરાગી ભગવાન પ્રત્યે થતા શુભરાગને અજ્ઞાની ધર્મ માની રહ્યા છે. તેથી કહ્યું છે કે અશુભરાગની જેમ શુભરાગ પણ ધર્મ નથી. આ વાત સાંભળીને નિશ્ચયાભાસી ન થઈ જવું. આજકાલ લોકો જિનમંદિર બનાવવામાં ધન ખર્ચ કરતા નથી અને વચનમાં માત્ર એમ બોલે છે કે શુભરાગ ધર્મ નથી.
તીર્થંકર પ્રકૃતિના બંધને યોગ્ય શુભરાગ આત્મજ્ઞાનીને જ ઉત્પન્ન થાય છે તથા તે રાગનું ફળ કેવળજ્ઞાન થયા બાદ જ ઉદયમાં આવે છે, તે શુભરાગ પણ બંધનનું કારણ છે. મુક્તિનું કારણ નહીં.
