________________
અમારી શિષ્યા દ્રૌપદીદેવીએ આપ્યા છે. વિશેષ ખર્ચ માટે જેમ જેમ મારા વચનોપદેશ દ્વારા સ્વસ્વરૂપ સ્વાનુભવગમ્ય સમ્યજ્ઞાનમયી સ્વભાવવતુ થવા યોગ્ય થતી જાય તે સદાકાળ અખંડ અવિનાશી ચિરંજીવ રહો.
ઇતિ સમ્યજ્ઞાનદીપિકાની પ્રથમ ભૂમિકા સમાપ્ત. પ્રશ્ન - જિનેન્દ્ર કોણ છે? ઉત્તર - જે જ્ઞાનભાનુ છે તે જિનેન્દ્ર છે. પ્રશ્ન - જિનેન્દ્રની પૂજા કરવી કે ન કરવી? ઉત્તર - પૂજા કરવી, પરંતુ સમ્યજ્ઞાનવસ્તુ છે તે જ જિનેન્દ્ર
છે. પણ અજ્ઞાન વસ્તુને કોઈ જિનેન્દ્ર માને છે, સમજે છે, તે કહે છે તે મિથ્યાદષ્ટિ છે. પ્રશ્ન – જ્ઞાન કોણ છે? ઉત્તર - તન, મન, ધન, વચનને તથા તન, મન, ધન, વચનનાં જેટલાં શુભાશુભ વ્યવહાર-ક્રિયા-કર્મને અનાદિથી જ સહજ સ્વભાવથી જ જે જાણે છે તે જ જ્ઞાન છે. પ્રશ્ન - મંદિરમાં પદ્માસન-ખગાસન ધાતુ-પાષાણની મૂર્તિ છે, શાસ્ત્ર તથા જળ, ચંદનાદિ અષ્ટદ્રવ્ય અને મંદિર આદિ એ બધાં જ્ઞાન છે કે અજ્ઞાન છે? ઉત્તર - મંદિર, પ્રતિમાદિક અજ્ઞાન, અજીવ છે. એ સર્વેને માત્ર જે જાણે છે તે જ જ્ઞાન છે. પ્રશ્ન - કેવલ જ્ઞાન છે તે શુભાશુભ દાન, પૂજાદિ ક્રિયા - કર્મનું કર્તા છે કે કર્તા નથી? ઉત્તર - કેવલ જ્ઞાન છે તે (આત્મા જ્ઞાનમાત્ર છે તેથી) કિંચિત્માત્ર પણ શુભાશુભ દાન, પૂજાદિ ક્રિયા - કર્મને કરતું
