________________
કોઈ મુમુક્ષુ આ સમ્યજ્ઞાનદીપિકા પુસ્તકને આદિથી અંત સુધી શુભ ભાવપૂર્વક ભણીને પોતાની સ્વસ્વરૂપ સ્વાનુભવગમ્ય સમ્યજ્ઞાનમયી સ્વભાવવસ્તુને પ્રથમ તો અશુભ જે પાપ, અપરાધ, હિંસા, ચોરી, કામ, ક્રોધ, લોભ, મોહ, કષાયાદિથી સર્વથા પ્રકારે ભિન્ન સમજી પછી દાન, પૂજા, વત, શીલ, જપ, તપ, ધ્યાનાદિ શુભકર્મ ક્રિયાને પણ સોનાની બંડીવતું બંધ અને દુઃખનાં કારણ સમજી પોતાની પોતામાં પોતામય સ્વસ્વરૂપ સ્વાનુભવગમ્ય સમ્યજ્ઞાન સ્વભાવવસ્તુને એ દાન, પૂજાદિ શુભકર્મ, ક્રિયાથી સર્વથા પ્રકારે ભિન્ન સમજી પછી શુદ્ધથી (શુદ્ધના વિકલ્પથી) પણ પોતાને ભિન્ન સમજી આગળ અનિર્વચનીય પોતાનો પોતામાં પોતામય, જેવો ને તેવો, નિરંતર જેવો છે તેવો, તેનો તે જ આદિ-અંતિપૂર્ણ સ્વભાવસંયુક્ત રહેવું. વળી, ઉપર અમે લખ્યું છે કે શુભ, અશુભ અને શુદ્ધ એ ત્રણ છે, એ ત્રણેની વિસ્તીર્ણતા (યથાયોગ્ય) પ્રથમ મિથ્યાત્વ ગુણસ્થાનથી માંડીને અંતિમ ચૌદમું ગુણસ્થાન જે અયોગકેવલી છે ત્યાં સુધી સમજવી. સ્વસ્વરૂપ સ્વાનુભવગમ્ય સમ્યજ્ઞાનમયી સ્વભાવમાં એ શુભ, અશુભ અને શુદ્ધાદિક સંકલ્પ-વિકલ્પ, તર્ક-વિતર્ક, વિધિ-નિષેધ કદી પણ સંભવતા નથી, અર્થાત્ સ્વભાવમાં તર્કનો અભાવ છે. ' હે મુમુક્ષુ જીવમંડલી! ચેત કરો (સાવધાન થઈ જાણી લો). તમે ક્યાંથી આવ્યા છો? ક્યાં જશો? તમે ક્યાં છો? શું છો, કેવાં છો? તમારું કોણ છે? તમે કોના છો? વળી, આ શુભ-અશુભ અને શુદ્ધ એ ત્રણે વિકલ્પથી તમારી સ્વસ્વરૂપ સ્વાનુભવગમ્ય સમ્યજ્ઞાનમયી સ્વભાવવસ્તુને એક - તન્મયી ન સમજો, ન માનો, ન કહો. એ અશુભાદિક ત્રણે સમ્યજ્ઞાન સ્વભાવમાં ત્યાજ્ય જ છે. જે ભૂમિમાં આ લોકાલોક
