________________
આત્મપ્રાપ્તિનો પ્રકાર
૧૪૩
સાધ્ય-સાધક ભેદ છે.
આ સંસારના સમસ્ત જગત-જીવ પણ જ્ઞાનાનંદસ્વરૂપ પરમાત્મજ્ઞાનને પ્રાપ્ત થાઓ!
જે આત્મતત્ત્વ આનંદરૂપે અમૃતજળના પ્રભાવથી પરિપૂર્ણ વહી રહી છે જે, તે કેવળજ્ઞાનરૂપ નદીમાં મગ્ન થઇ રહ્યું છે, તથા જે તત્ત્વ સંપૂર્ણ લોકાલોક દેખવાને સમર્થ છે, જે તત્ત્વ જ્ઞાન વડે પ્રધાન છે, જે તત્ત્વ અમૂલ્ય શ્રેષ્ઠ મહારત્નની માફક અતિ શોભાયમાન છે અને જે તત્ત્વ લોકાલોકથી અલગ છે, અર્થાત્ જેવો લોકાલોક છે તેવું એ તત્ત્વ નથી, અને જેવું એ તત્ત્વ છે તેવો લોકાલોક નથી, લોકાલોક અને એ તત્ત્વને સૂર્ય-અંધકાર જેવું અંતર છે, એ તત્ત્વ લોકાલોકને દેખવા-જાણવાને સમર્થ છે, પણ લોકાલોક એ તત્ત્વને દેખવા-જાણવાને સમર્થ નથી, એ તત્ત્વને (અને) સ્યાદ્વાદરૂપ જિનેશ્વરના મતને અંગીકાર કરો, જગતજનો અંગીકાર કરો! કે જેથી પરમાનંદસુખની પ્રાપ્તિ થાય.
જેમ દીપકની જ્યોતિમાં કાલિમા કાજલ છે, તે જ પ્રમાણે કેવલ જ્ઞાનજ્યોતિ પરમાત્મામાં આ જગત, જુગત, જોગ, તું, હું, તે, આ, વિધિ, નિષેધ, બંધ-મોક્ષાદિક છે.
-
એક દીપકની સાથે હજાર દીપક જોડો, પરંતુ તે પ્રથમની દીપકજ્યોત તો જેવી ને તેવી ભિન્ન છે, તે જ છે. કળશ-હાંડાદિ વાસણ થાય છે અને વિઘટી જાય છે પરંતુ માટી તો થતી પણ નથી તેમ જ વિઘટતી (નાશ પામતી) પણ નથી.
સુવર્ણનાં કડાં-મુદ્રિકા થઇ જાય છે તથા બગડી જાય
