________________
કેવળ દૃષ્ટાંત-સંગ્રહ પ્રારંભ
૧૩૩
પુરુષ કદાચિત્ કર્મવશ દોષ પણ ધારણ કરે તો તે પુરુષને દોષ લાગતો નથી. મહાન(પુરુષ)નું શરણ લેવાનું આ જ ફળ છે.
જેમ મૂક પુરુષના મુખમાં ગોળનો કટકો મૂકી પછી તે મૂક પુરુષને પૂછો કે હે મૂક! ગોળ કેવો મીઠો છે? અહીં એ મૂક પુરુષને ગોળનો મિષ્ટ અનુભવ તો છે પરંતુ તે કહી. શકતો નથી; એ જ પ્રમાણે કોઈને ગુરુવચનોપદેશ દ્વારા સ્વસમ્યગ્નાનાનુભવની અચળતા, પરમાવગાઢતા થવા યોગ્ય હતી તે થઇ ચૂકી પરંતુ તે કહી શકતો નથી.
જેમ હાથીના દાંત બહાર જોવાના જુદા છે તથા અંદર ચાવવાના, ખાવાના જુદા છે; એ જ પ્રમાણે જૈન ઋષિ, મુનિ, આચાર્યના રચેલા સિદ્ધાંતશાસ્ત્ર, સૂત્ર, પુરાણાદિક છે તે તો હાથીના બહારના દાંત જેવા સમજવાં તથા અંદરનો ખરો આશય જેનો જે તે જ જાણે છે.
બંધનો વિલાસ પુદ્ગલમાં નાખી દો (ખતવો) તથા દેહનો વિકાર તમે દેહના માથે નાખો (ખતવો).
જે સ્વસ્વરૂપ સમ્યજ્ઞાન છે તે તો તન, મન, ધન, વચનાદિકથી તન્મયરૂપ તત્સ્વરૂપ કદાપિ નથી, તથાપિ શ્રીગુરુ સ્વસમ્યજ્ઞાનાનુભવની અચળતા, અવગાઢતા, નિશ્ચયતા કરાવી દે છે. ધન્ય છે શ્રીગુરુને! સહસ્રવાર ધન્ય છે!!
જેમ જૈન, વૈષ્ણવ, બૌદ્ધ, શિવાદિક કોઈ પણ હોય છતાં જે ચોરી કરશે, તે બંધમાં પડશે; એ જ પ્રમાણે કોઈ પણ હોય છતાં જે કોઈ શ્રીગુરુવચનોપદેશ દ્વારા વા કાળલબ્ધિ પરિપાક દ્વારા પોતાના પોતામાં પોતામય સ્વસમ્યગ્નાનાનુભવની અચળતા, પરમાવગાઢતા ધારણ કરશે, તે જ સંસારભ્રમજાળથી ભિન્ન થઇને સદાકાળ સુખાનુભવમાં મગ્ન રહેશે
***
