________________
વાગતાં હોય તો ઝરણાનો અવાજ કેમ કરી સંભળાશે ? પણ વરઘોડો દૂર જતો રહે તો ઝરણાનો નાદ સંભળાય. તેમ ઉપયોગ પરમાં નહિ હોય ત્યારે સ્વમાં હશે જ.
આ થઈ અનુપ્રેક્ષા.
એ પછી અનુભૂતિ પ્રગટે. તમે શાન્ત થઈને બેસો. કરોડરજુ ટટ્ટાર હોય. આંખો બંધ હોય. પંદરેક મિનિટ બેસો. વિચારો આવે તો તેમને જુઓ. વિચારોમાં ભળો નહિ. દિવસમાં બે-ત્રણ વાર આવી રીતે અભ્યાસ કરો.
વિકલ્પોને પાર જવું કેવું તો આસાન છે એ તમને અભ્યાસ દ્વારા જણાશે. સ્વિચ ઓફ કરી શકાય એવી સરળતાથી વિકલ્પોને ઑફ કરી શકાશે.
તો, આ રીતે, જ્ઞાનાચાર દ્વારા તમે સ્વગુણાનુભૂતિ સુધી પહોંચી શક્યા.
દર્શનાચાર. પ્રભુનાં પ્યારાં વચનોમાં અતૂટ શ્રદ્ધા.
પ્રભુનાં વચનોનો સાર આ છે : તું સ્વમાં જા. પરમાં તારા ઉપયોગને ન લઈ જા. સમાધિશતક ગ્રન્થમાં પ્રભુનાં વચનોનો સાર મૂકતાં મહોપાધ્યાય શ્રી યશોવિજય મહારાજે કહ્યું : કેવળ આતમબોધ હૈ,
પરમારથ શિવપંથ; તમેં જિનકું મગનતા,
સો હિ ભાવ નિર્ચન્થ. ૨
સ્વાનુભૂતિની પગથારે છે ૫૦
