________________ प्रत्यक्षमिति शेषः। 10. कारणस्य च परिच्छेद्यत्वे करणादिना व्यभिचारः। 11. सामग्री विशेष विश्लेषिताखिलावरणमतीन्द्रियमशेषतो मुख्यम्। 12. सावरणत्वे करणजन्यत्वे च प्रतिबंधसम्भवात् / अथ तृतीयः परिच्छेदः 1. परोक्षमितरत्। 2. प्रत्यक्षादिनिमित्तं स्मृतिप्रत्यभिज्ञानतर्कानुमानागम भेदम्। 3. संस्कारोबोधनिबन्धना तदित्याकारा स्मृतिः। 4. स देवदत्तो यथा। 5. दर्शनस्मरणकारणकं सङ्कलनं प्रत्यभिज्ञानं तदेवेदं, तत्सदृशं, तद्विलक्षणं तत्प्रतियोगीत्यादि। यथा स एवायं देवदत्तः, गोसदृशो गवयः, गोविलक्षणो महिषः, इदमस्माद्दूरम् वृक्षोऽयमित्यादि। . उपलम्भानुपलम्भनिमित्तं व्याप्तिज्ञानमूहः / 8. इदमस्मिन्सत्येव भवत्यसति तु न भवत्येवेति / 9. यथाऽग्नावेव धूमस्तदभावे न भवत्येवेति च। साधनात्साध्यविज्ञानमनुमानम्। 11. साध्याविनाभावित्वेन निश्चितो हेतुः। 12. सहक्रमभवनियमोऽविनाभावः / 13. सहचारिणो र्व्याप्यव्यापकयोश्च सहभावः / 14. पूर्वोत्तरचारिणोः कार्यकारणयोश्च क्रमभावः / 15. तर्कात्तन्निर्णयः। 16. इष्टमबाधितमसिद्धं साध्यम्। 17. संदिग्धविपर्यस्ताव्युत्पन्नानां साध्यत्वं यथा स्यादित्यसिद्धपदम् / 18. अनिष्टाध्यक्षादिबाधितयोः साध्यत्वं मा भूदितीष्टाबाधितवचनम्। 19. न चासिद्धवदिष्टं प्रतिवादिनः। 7. 10. 180
