Page Text
________________
[६०]
जंपाणारूढा सयं समप्पिया भगवओ । तेणाऽवि विहिपुव्वगं पव्वावित्ता एक्कारसंगधारिणी तासिं चेव तवस्सिणीणं पवत्तिणी विहिया ।
अन्नया सा सव्वत्थमण्ण त्ति बहुलोयपरिवारिया वियसंतमुत्तिधारिणी कोसंबीचउहट्टएणं वच्चंती दालिदिएणेगेणं सेडुयगनामेण दिट्ठा । तओ तेणं पुच्छिओ एगो थेरो – 'का एसा भगवई ?' थेरेण भणियं - 'चंपाए दहिवाहणस्स रण्णो दुहिया वसुमई नाम, तहा नियनिम्मलगुणेहिं लद्धअज्जचंदण त्ति-बीयनामा, भगवओ महावीरस्स पढमसिस्सिणी; इहेव चिटुंतस्स सुत्थियसूरिस्स वंदणत्थं चलिया' । तओ सेडुयगो भत्तीए कोड्डेण य तीए चेव समं सूरिसमीवं गओ । वंदिओ सूरी । अज्जचंदणा वि सूरिं वंदित्ता गया पडिस्सयं ।
सो य सेडुयगो तत्थेवोवविट्ठो । सूरिणा दट्ठण नाणोवओगेण जहा - 'एसो धम्मजोग्गो'त्ति संभासिओ महुरवयणेहिं, जेंवाविओ मिट्ठभोयणेणं । तओ सेडुयगो – 'एक्कं ताव एएसिं दयालुत्तं, बीयं पुण मिट्ठभोयणेणं चेव परलोगो साहिज्जइ'त्ति चिंतित्ता तेसिं चेव समीवे पडिवन्नो पव्वज्जं । सूरिणा वि दिक्खिऊण धम्मे थिरीकरणत्थं सुसाहुपरिवारिओ [पेसिओ] अज्जचंदणापडिस्सयं । साहवो वि सेडुयगं पडिस्सए पइसारित्ता अप्पणा बाहिं ठिया । तओ सो अब्भुटिओ अज्जचंदणाए । दवावियमपरिभोगमासणं । वंदिओ सविणयं । एत्थंतरंमि अज्जियाहिं आणित्ता दिण्णमासणं, न य तीए तस्स पुरओ पडिच्छियं । भणियं च जोडियहत्थाए – 'किं भगवंताणमागमणपओयणं ?' तओ सेडुयगो - 'अहो ! धम्मपहावो, जेणेवंविहा वि ममेवंविहं विणयं कुणंति'त्ति विसेसेण धम्मंमि थिरीकयभावो 'सूरीहिं तुम्ह वुत्तापुच्छणत्थं पेसिओ'त्ति वोत्तुं गओ सूरिसमीवं ति ॥
तओ भगवं वद्धमाणसामी गोयमाइगणहरेहिं अज्जचंदणाए य सहिओ माहणकुंडग्गामे बहुसालुज्जाणे समोसरिओ । तत्थ य उसभदत्तमाहणो देवाणंदाए माहणीए सहिओ रहवरारूढो समागंतुं भगवंतमभिवंदइ । देवाणंदाए य उसभदत्तस्स पुट्ठट्ठियाए भगवंतमणिमिसदिट्ठीए निरूवमाणाए पल्ललि(वि)यसव्वगत्ताए तहा कंचुओहुणायाई भिदित्ता थणेहिंतो दुद्धसोडओ भगवंताभिमुहमुच्छलिओ जहा समवसरणत्थसव्वलोगेणं दिट्ठो। तओ वंदित्ता गोयमसामिणा पुच्छिअं 'किमेयं भयवं?' । भगवया भणियं – 'पढममेवाऽहं देवलोगाओ चइत्ता एईए देवाणंदाए कुच्छिसि बासीइं दिवसाइं जाव वसिओ । तओ देविदेणं तिसलाए कुच्छिसि घल्लाविओ जेण, तेण सा पुव्वावत्थासिणेहेणं तं(म) दट्टण पल्ल(ण्हु)यथणी जाया' । ____तओ [सोऊण]मेवं बहवो पडिबुद्धा पाणिणो । उसभदत्तो वि भगवओ समीवे गहियपव्वज्जो एक्कारसंगधरो होऊण कमेण पत्तो निव्वाणं । सा वि देवाणंदा भगवया सयमेव दिक्खित्ता अज्जचंदणाए सिस्सिणी दिना । तीए य पढाविया एक्कारसंगाइं । तओ कमेणं संपत्तकेवला सिद्ध त्ति ।
एवं चोसभदत्तो व्व सभज्जो पव्वइओ जमालि त्ति जमालिकहा भन्नइ -
माहणकुंडग्गामस्स समीवे खत्तियकुंडग्गामं नाम नयरं । तंमि य सामिस्स जे?भगिणीए [जेट्टाए] पिय(सु)दंसणाए [वा] पुत्तो जमाली नाम परिवसइ । तेण य भगवओ चेव धीया सु(पिय)दंसणा नाम परिणीया । तीए य समं विसयसुहमणुहवंतो चिट्ठइ । अन्नया य माहणकुंडग्गामे बहुसालुज्जाणे भगवंतं समोसरियं सोऊण रहवरारूढो गओ वंदणत्थं जमाली । सोउं च धम्ममणुण्णाओ माया-पिऊहिं पंचसय-परिवारो सहस्सपरिवाराए य सु(पिय)दसणाए सहिओ पव्वइओ । तओ पढियेक्कारसंगो त्ति किं
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |