________________
[२१]
vie
पासजिणाओ अड्डाइयवरिससएहिं वीरजिणतित्थं चउवीसमं ति भण्णइ सतित्थजिणवद्धमाणकहा -
अवरविदेहे गामे, एगमि बलाहिओ वाअ(निवा)णाए । सगडाणि गहाय गओ, दारुणिमित्तं महाडवीए ॥ एत्तो तीए चेवाऽऽवासियसत्थे सहाऽऽगया मुणिणो । भत्त-पाणाण हेडं, पासट्ठियगोउलेसु गया । सत्थो य गओ सहसा, मुणिणो तट्ठाणमागया भीया । सत्थं गवेसमाणा, भुक्खिय-तिसिया दिसामूढा ॥ हिंडंता संपत्ता, बलाहिओ जत्थ सो वि ते दटुं । गाढमणकंपियमणो. पडिलाहड पाण-भत्तेहि ॥ भुत्ते भणइ – 'चल्लह, जेणुवदंसेमि तुम्ह मग्गमहं' । चलिया य तेण सह ते, गुरुणो साहिति से धम्मं ॥ सो वि य परिणयधम्मो, मग्गगए साहुणो विहिय चलिओ । कालेण मओ जाओ, सोहम्मसुरो पलियठिई ॥ तो चविऊणिह जंबुद्दीवे भरहे अओज्झनयरीए । रिसहसुय-भरहपुत्तो, जाओ किरिणे मुयंतो त्ति ॥ [पइ]ठियमरीइनामो, पुव्वुत्ते सामिणो समोसरणे । नाहितणयस्स पढमे, पिउ-माइ-मुणी(सयणे)हिँ सह जाइ ।। दट्ठण कीरमाणिं, महिमं देवेहिं खत्तिओ(खित्तओ?) मरिई । सम्मत्तलद्धबुद्धी, धम्मं सोऊण पव्वइओ ॥ सामाइयाइँ पढिऊणेक्कारसंग[पसत्थ] सत्थाइं । उज्जुत्तो गुरुभत्तो, विहरइ सो सामिणो सद्धिं ॥ अह अन्नया कयाई, गिम्हे उण्हेण परिगयसरीरो । अण्हाणएण चइओ, इमं कुलिंगं विचितेइ ॥ [आव. नियुक्तिगाथा ३५०] मेरुगिरीसमभारे, न हुमि समत्थो मुहुत्तमवि वोढुं । सामन्नए गुणरहिओ, अहयं संसारमणुकंखी ॥ [३५१] *[तस्स] विचिंतयंतस्स, एवं नियगा मई समुप्पन्ना । 'लद्धो मए उवाओ, जाया मे सासया बुद्धी ॥ [३५२] समणा तिदंडविरया, भगवंतो निहुयसंकुचियगत्ता । अजिइंदियदंडस्स उ, होउ तिदंडं महं चिंधं ॥ [३५३] लोइंदियमुंडा संजया उ अहयं खुरेण ससिहो अ । थूलगपाणिवहाओ, वेरमणं मे सया होउ ॥ [३५४]
* एवमणुचिंतंतस्स तस्स निअगा० इति आव. निर्युक्तौ ।
