Page Text
________________
[३३८]
सोउं चेमं निच्चिता सुत्ता सव्वे । सीहसाहू वि एगागी जागरमाणो पासइ सीहमागच्छमाणं । साहुणा वि जंपियं 'हड्डि हड्डि'त्ति । तहा वि न नियत्तो एसो । तओ उद्धाइऊण लगुडेणाऽऽहओ । तेण य परिताविओ वलिओ सीहो । पुणो य केच्चिरेण वि दट्टणाऽऽगच्छंतं सीहं साहुणा 'नेसो सुट्ठ परिताविओ तेण पुणो वि आगओ' त्ति चिंतिय गाढयरमाहओ वलिओ य सीहो । एवं तइयवाराए वि । नवरं सव्वायासेणाऽऽहओ वलिओ त्ति । एवं च खेमेण गया रयणी । ____ पच्चूसे य पत्थंता पेच्छंति साहवो सीहमणुपंथे मयं । पुणो य थोवंतरे बीयं । [पुणो अदूरंते तइयं ।] तेर्सि च जो पढमं सणियमब्भाहओ सो दूरे गंतुं पडिओ । जो य गाढयरमाहओ सो विचालो। जो उण सव्वायासेणाऽऽहओ सो नियडो चेव पडिओ मओ सीहो । ते य दट्ठणाऽऽलोइया सीहसाहुणा सूरिणो । तेहिं भणियं - 'कट्ठसेट्ठी व सुद्धो तुमं । जओ जहुत्तं – 'चेइय-संघ-गुरुकज्जओ आरंभो वि सिवहेउत्ति जिणाणा । भणियं च -
जे जत्तिया य हेऊ भवस्स ते चेव तत्तिया मोक्खे ।
*सिवहेऊ वि य संसारहेयवो वि ण अणागंतो (?) ॥' पडिवज्जिउं चेमं जिणाणाराहणुज्जुओ सीहसाहू गओ देवलोगं जहा खंदिलायरिया नागज्जुणवायगाईय त्ति ॥छ। सीहसाहु त्ति गयं ॥छ।।
खंदिलायरिय-नागज्जुणवायगाइकहा भण्णइ -
अस्थि महुराउरीए सुयसमिद्धो खंदिलो नाम सूरी । तहा वलहीनयरीए नागज्जुणो नाम सूरी। तेहि य जाए वरिसिए दुक्काले निव्वाहाभावओ विफुट्टि काऊण पेसिया दिसोदिसिं साहवो । गमिउं च कह वि दुत्थं ते पुणो मिलिया सुगाले जाव सज्झाएंति ताव खंडखुरुडीहूयं पुव्वाहि(इ?)यं । तओ 'मा सुयवोच्छित्ती होइ' त्ति पारद्धो सूरीहिं सिद्धंतुद्धारो । तत्थ वि जं न वीसरियं तं तहेव संठवियं । पम्हुट्ठठाणे उण पुव्वावरवेडंतसुत्तत्थाणुसारओ कया संघडणा । परोप्परमसंपण्णमेलावगा य तस्समयाओ खंदिलनागज्जुणायरिया कालं काउं देवलोगं गया । तेण तुल्लत्थयाए वि तदुद्धरियसिद्धताणं जो संजाओ कत्थइ थोवो वायणाभेओ सो य न चालिओ पच्छिमेहिं । तओ विवरणकारेहिं पि 'नागज्जुणीया उण एवं पढंति'त्ति समुल्लिंगिया तहेवाऽऽयाराइसुत्तेसु सो दरिसिओ त्ति । भणियं चाऽऽगमे -
जेसिमिमो अणुओगो, पउ(य)रइ अज्जाऽवि अद्धभरहंमि । बहुनयरग्गियजसे, ते वंदे खंदिलायरिए ॥ [नंदीसूत्रे] मिउ-मद्दवसंपण्णो(ण्णे), आणुपुव्विवायगत्तणं पत्तो(त्ते) ।
ओहसुयसमायारे(यरए), नागज्जुणवायए वंदे ॥ [नंदीसूत्रे] भरुयच्छे पमाणिओ जिणदेवो नामाऽऽयरिओ । वाई य तत्थ गोविंदो नाम बंदओ । तेण य कयाइ पडहयदवावणेणुग्घोसावियं सव्वत्थ जहा – 'जइ कोइ समत्थो सो मए समं वायं देउ' । सोउं चेमं वंदणत्थं वच्चंतेण वारिओ जिणदेवसूरिणा पडहओ । तओ दोण्हं पि जाओ राउले वाओ । पराजिओ य सूरिणा गोविंदो 'नऽरिहंतसिद्धंतं विणा तीरए दाउमुत्तरमेएसिं'ति चिंतित्तु पव्वइओ तदंतिए । माइट्ठाणेण *गणणाईया लोगा, दुण्ह वि पुण्णा भवे तुल्ला ॥ (इति ओघनिर्युक्तौ ५४)
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |