________________
[१८]
wwwwwwwwwwwwwwwwwwwwwww
सोउं च कहिज्जंतं, वसंतसेणा कयाइ नियपिउणो । दूएण तुज्झ चरियं, पुव्वभवब्भासओ रत्ता ॥ दटुं च दुब्बलंगी, पुट्ठा जणणीए साहइ न किंचि । जा; ता सहीहिं पुच्छाविऊण विण्णायगुज्झाए ॥ तीए वसंतसेणा, चित्ताविय पेसिया पडे तुझं । नियपुरिसाणं हत्थे, नीसेसकलासु कुसलाणं ॥ उवणीओ य तुह पडो, चित्तयरछलेण तेहिं साणंदं । भणियं च - 'देव ! अम्हे, सुसम्मनयराओ आयाओ ॥ चित्तयरा; ताऽऽएसं, देज्जह चित्तंमि'; तं च दट्ट तुमं । भणसि - 'अहोहो ! चित्तं', ते बेंति - 'न देव ! चोज्जमिणं ॥ जेण अम्हेहि लिहियं, रूवमिमं दट्ठ किमिह कोसल्लं ?' । भणिया तए - 'कहं ?' ति य, ते बिंति - 'सुसम्मनयरंमि ॥ राया सुभुसूणो सो(से), एसा धीया वसंतसेण त्ति । नयराओ नीसरंती, वसंतसमयंमि अम्हेहिं ॥ जंपाणगया दिट्ठा, बहुसहिपरिवारिया धरियव्व त्ति(?) । उज्जाणं गंतुमणा, दाहिणकरधरियसयवत्ता ॥ अम्हेहिं तओ तुरियं, पडयं घेत्तूण सभवणयं गंतुं । आलिहिया किर बाला, दंसणं, संभरंतेहिं' ॥ सोउं चेमं वयणं, पुव्वभवब्भासओ तुमं वि तीए । रत्तो; नाउं चेमं, पिउणा परिणाविओ विहिणा || अह अन्नया तुह पिया, संविग्गो कह वि तावसो जाओ । जाओ य तुमं राया, सबरभवोवज्जियं च तए ॥ जं तिरियविसंजोयण-कम्मं तमिहोदिय; पुण कहेमि । आसि तत्थेव विजए, जयउरिपुरि वद्धणो राया ॥ तेण य समं अरित्ते, जाए तह विग्गहमि तस्सेव । तवसंतिया सुजोहा, मिलिय त्ति भणाविओ तेण ॥ दूयं पट्टविय 'तुमं, दाउं देवि वसंतसेणं मे । भुंज ममाऽऽणत्तीए, नियरज्जं; देसु वा जुज्झं' ॥ सोउं चेमं वयणं, कुविओ नीसारिउं तुमं दूयं । जुज्झाणत्तिं दाउं, करिरूढो झत्ति नीसरिओ ॥ संवड्डिऊण य मिलिए, चउरंगुलंमि तुज्झ नयराओ । नितस्साऽसउणा धय-वडणाईया कुडा जाया ॥ तो मंती भणइ तुम, - 'देव ! निअत्तसु; सुए गमिस्सामो । तह वि न थक्को; सम्मुह-मायाओ वद्धणनिवो वि ॥
