Page Text
________________
[३०४]
थूलभद्दाणं परमम्हे । तम्हा होयव्वमओ परमम्हाणं पिव गुरु-सीसाणं पि पायं संकिलेसविद्धीए। 'ता ममाऽसंभंतचित्तो सुओवओगेणं विप्फुरिओ पत्थुयत्थो' [त्ति सुहत्थी] संविग्गो खामेइ महागिरिणो । तेहि वि 'नऽन्नहा जिणभासियं'ति चिंतंतेहिं तप्पभिई ठविऊणाऽसंभोइअकप्पं वंदिउं च जीवंतसामिपडिममुज्जेणीओ मणिओ एलगच्छो त्ति ॥छ।
एलगच्छकहा भण्णइ -
दसण्णदेसे दसन्नकूडो नाम पव्वओ । तस्साऽऽसण्णं दसण्णपुरं नाम नगरं । तत्थ केलपो नाम कुलपुत्तो माहेसरो । तस्स य सावयधीया सज्जणी नाम भज्जा । सा य दढधम्मत्तणओ अणथमियपालणयं सदिवसे वेयालियं काउं भत्तं पच्चक्खाइ । सो य केलपो ‘कि रत्तिमुट्ठित्ता कोइ भुंजइ ?'त्ति भणंतो तमुवहासेइ । अण्णया सो भणइ – 'अहमवि पच्चक्खिस्सामि' । सा भणइ – 'भंजिहिसि' । सो भणइ - 'किमहं कयाइ तए रत्तीए भुंजतो दिट्ठो ? जेणेवं जंपसि ?' इओ य साविगापक्खवाइणीसासणदेवयाए चिंतियं - 'अहो ! निच्चमेसो अणज्जो सावियमुवहसइ । ता तहा अज्ज करेमि जहा फिट्टइ एयस्सोवहासवाओ'त्ति । तस्स भगिणी तस्सेव सासुरए वसइ । तीसे य रूवं विउव्विऊण लाहणयहत्था समागया तस्स घरदुवारं देवया पुक्कारेइ जहा – 'दुवारमुग्घाडेह' । तं च सोऊणुट्ठिओ केलपो दुवारमुग्घाडेइ । देवयाए समप्पियं तस्स मोयगाइलाहणियं । सो वि तं दट्टण घुलंतलालो 'तए पच्चक्खाय'ति सुमराविज्जतो वि भज्जाए तव्वेलाए चेव भुंजिउं पवत्तो । रूद्धाए य देवयाए झोडिउं मुहंमि व्व पाए निच्छोलियाणि दो वि डोलगाणि । तओ गया देवया । सज्जणी वि तमंधं दवणा-'ऽहो ! वाम(विग्घ) मेयं समागयं'ति अद्धिईए देवयाराहणत्थमद्धरत्ते काउस्सग्गेण ठिया । तओ देवया आगंतुं भणइ - 'साविए ! किं करेमि?' सा भणइ - 'मममं महंतमयसं । ता केलपं पच्चक्खं सारेहि' । देवया भणइ - "निज्जीवाणीमाणि डोलगाणि जायाणि । जओ तेण [तुह धम्मस्सोवहासो कओ] । जइ पुण तव्वेलाए चेव कहिती तुमं ताऽहमण्णाणि लालयंती' । साविया भणइ – 'तहा वि पेच्छमाणमिमं करेहि' । तओ देवयाए तन्निबंधं नाऊण तक्खणं खट्टिगविणासियएलगलोयणाणि सजीवाणि केलपस्साऽऽणित्ता लाइयाणि ।
तओ पभाए जो जो तं जणो पेच्छइ सो सो भणइ - 'अहो ! तुहऽच्छीणि कहमेलगस्स जारिसाणि जायाणि ?' तओ तेण कहिओ सव्वो वि रयणिवुत्तंतो । तं च सोउं बहुगो जणो केलपो य सावगो जाओ। सोऊण य केलपस्स वुत्तंतं तइंसणत्थमागच्छंतओ कोउगेण लोगो । पुच्छंति य परोप्परं - 'कत्थ तुमं गओ हुंतो ? कओ वाऽऽगओ ?' त्ति । देंति य पडिउत्तरं - 'जत्थेलगच्छो तत्थाऽहं गओ होतो, तओ वा आगओ'त्ति । एवं च बहुसो लोयसमुल्लावेण सो दसण्णदेसो एलगच्छो नाम जाओ त्ति ॥छ। एलगच्छो त्ति गयं ॥छा।
एलगच्छं पत्तेहिं य अज्जमहागिरीहि मणिओ गयग्गपओ जंमि निक्खंता दसण्णभद्द-सुद्धड त्ति दसण्णभहु-सुद्धडकहा भण्णइ -
दसण्णदेसे दसण्णकूडपव्वयासण्णे दसण्णपुरे दसण्णभद्दो नाम राया । तस्संऽतेउरे पंच देवीसयाणि । कोसाइसमिद्धो एसो बहुमप्पाणं मन्नेइ ।
'कोसंतेउर-बल-रूव-समुदयं तिहुयणे वि तं नत्थि ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |