Page Text
________________
[२८७]
Amaveena
www
चलिओ गब्भो वीरसुभाए । तीए भणियं – 'न सकणोमि गंतुं । सूलं मे बाहइ' । विसन्नो चंदो । ठियाणि नग्गोहसमीवे । तओ सूलाइरोगेण कणिउमारद्धा । चंदेण चिंतियं - 'अहो ! दारुणया जीवलोगस्स । किमहमेत्थ करोमि ? सव्वहा मे मदुण्णइफलमेयं । वरमुवरउ मा पुण इदमी(मि)मं अदिट्ठपुव्वदिटुं' । वीरसुभाए वि एवं चेव चिंतियं । अण्णं च - 'अहण्णा अहं जीए अज्जउत्तस्स एरिसो निव्वेओ जणिओ'। एवं च रोदेवसाण(रोदणपराण ?) जायाणुकंपाए तक्खेत्तनिवासिणीए देवयाए अणुकंपाए दिन्नं दरिसणं, समासासियाणि य । दिन्ना जोणिदुक्खनासणी ओसही वीरसुभाए, अहिदट्ठजीवावणो य गारुडो मंतो चंदस्स ।
तओ ओसहपहावेण पसूया एसा । जाओ से दारगो। परितुद्वेण चित्तेण कहाणगविसेसेण पुण्णाणुभावेण सुहेणेव कुसुमउरं नाम नगरं संपत्ताणि एयाणि । ठियाणि नगरसमीवे । एत्थंतरंमि नगरे कुसुमसारस्स रण्णो कुसुमबुद्धो नाम पुत्तो अहिणा दट्ठो । तंनिमित्तं पडहगो हिंडइ । सो भमंतो आगओ तमुद्देसं । अणेण छित्तो पडहगो । भणियं - 'अणुट्ठएण पेच्छामि ताव जइ जीवाविउं सक्केमि' । नीओ राउलं । जीवाविओ रायपुत्तो । उवन्नत्थं राइणा [दव्व]जायं । न गहियमणेणं । साहियमण्णेहिं - 'घरिणी से दुवारे चिट्ठइ' । आणाविया राइणा । पडिवन्ना धूया । चिंतियं च - 'कज्जेण एयारिसाण एगागित्तं । [तं] च जाणिस्सामि'। ताव सबहुमाणमेव धरिओ राइणा । अइक्कंता कइ वि दियहा ।
___ अन्नया निग्गओ चंदो नयराओ एगमुज्जाणं वरं । उवविट्ठो तिलगपायवसमीवे । जायं से सोमणस्सं । थेववेलाए य दिट्ठो खंजरीडसमागमो । तओ चिंतियमणेण – 'भवियव्वमेत्थ निहाणेणं । निरूवियं कोड्डेण । जाव उवलद्धो कविल्लसंघडो(?) । साहियं राइणो । तेण भणियं – 'तुब्भं चेव एसो' । तओ दीणाईणं दाणपुरस्सरं निहिगहणविहाणेण गहियं चंदेण । निरूविया संखा जाव पण्णासं दीणारलक्खा । पारद्धो ववहरिउं । पुण्णोदएण थेवकालेणेव पूरिया कोडीए ।
तओ महया चडयरेण विसज्जिओ रण्णा आगओ अओझं । कया सव्वाययणेसुं पूया । दिन्नं दीणाणाहाण दविणजायं । कया जहोचियं लोकपूया । बहुमण्णिओ गुरुयणेण चिट्ठइ जहासुहं ति ॥छ।
सोउं च तहुज्जुत्तं, वीरसुहा देविमेइ तम्मूले । साहम्मिणि त्ति तीएँ वि, पूइया सा आसणाईहिं ॥ पढमे समागमंमि य, वीरसुभाए पसंसिया देवी । 'धण्णाऽसि तुमं सुंदरि !, जा गुरुणा एवमक्खाया' ॥ तीएँ सदुक्खं भणियं, - 'का णु ममं धण्णया इमं वसणं । जीएँ न कओ मोहा, परलोगसुहावओ धम्मो' ॥ वीरसुभाए भणियं, – 'थेवं वसणं कओ य धम्मो वि । जं गुरुजणं पुच्छिउं, सम्मं संपाडिया पूया' ॥ कहियाओ कहाओ, दुक्खस्स विसारणीओं विविहाओ । नियचरियं च तओ से, समप्पिया जोणिदुक्खहरी ॥ जा देवयाएँ दिण्णा, पुरि आसि तीसे महोसही तं च । देवी पडिच्छइ तओ, वीरसुभा जाइ नियगेहं ॥
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |