Page Text
________________
[ २८६] कह वि' । एत्थंतरंमि य नाऊण वि[ज] याचेडीए निवेइयं देवीए जहा 'सामिणि ! दिव्वणाणी भद्दबाहू नामेत्थ सूरी समोसरिओ चिट्ठइ । तओ विजयं पट्ठाविऊण पुच्छाविओ तीए सूरी 'किं मम जुत्तं ?' दिण्णोऽणेण उवओगो । उवलद्धा गुणा । तओ एवमेव 'बहुगुणं' ति वागरियमण 'दो पुत्ता तुज्झ भविस्संति, चरणसंपत्ती य उचियसमए । ता मा कुणसु निव्वेयं । पण्णप्पिहिसि तुमं । परं चेइयसाहुपूजाइसुजुत्तं कुणसु' । तओ 'न अन्नहा एयं 'ति चितियं चेडीए, गंतुं च सहरिसं निवेइयं देवीए । ती वि [* --] तहा अणुट्ठियं जहा आवज्जिया वीरसुभ त्ति ||छ । वीरसुभाकहा भण्ण
इमीए चेव अओज्झाए नयरीए जिणयत्तो नाम सावगो | तस्स धूया [वीरसुभा ] नाम । सा अच्वंतं रूववई, सयलकलाकलावकुसला, भाविया य पवयणे । उज्जुत्ता धम्ममग्गे सा घरुज्जाणे चेइयपूयारया चिट्ठइ त्ति । इओ य इमीए चेव नयरीए सागरो नाम सेट्ठी । तस्स पुत्तो चंदो नाम कुमारो । सो मित्तेहिं समं हिंडतो गओ जिणयत्तघरसमीवेण । दिट्ठे घरुज्जाणे चेइयं रम्मं ति सहरिसं पविट्ठो । एत्थंतरंमि य वीरसुभा पूइऊणं भगवंते काउस्सग्गेण ठिया दिट्ठा चंदेण । 'अहो ! सोहणा देवय'त्ति पडिओ चलणेसु । हसिओ मित्तेहिं । चंदेण भणियं 'किं हसह ? वंदणीयाओ सव्वाओ देवयाओ' । मित्तेहिं भणियं 'न एसा देवया' । चंदेण भणियं 'का पुण एसा ?' मित्तेहिं भणियं 'जिणयत्तधूया' । तओ सविसेसं पुलइया । नेवत्थेण वियाणिया 'कण्णग'त्ति । जाओ य अहिलासो । चिंतियमणेण – 'किं जीवलोएणं, जइ एरिसीए समं भोगा न भुज्जंति ?' तीए वि काउस्सग्गपरिसमत्तीए उचिओवयारेण सम्माणिओ गओ निययगेहं । गहिओ कामजरएणं । सम्माणिऊण य विसज्जिया वयंसगा । गिहेगदेसंमि निवण्णो जरमंचगे नाऊण सागरेण 'किमेयं ? 'ति पुच्छाविओ न साहइ । सद्दाविया से मित्ता । नाउं ताण सगासाओ एस वइयरो भणाविओ सागरेण 'पुत्त ! मा संतप्प । नाऽणुचिया खु तुह एसा । ता एवं चेव वरिस्सामि, जहा एसा [तुह] भवइ तहा जइस्सं' । परितुट्ठो चंदो । कया णे पाणवित्ती ।
----
-
1
—
-
—
-
―
-
सागरेण वि पढमं पेसिया घरिणी । कयं संवधम्मेनं (कहियं 'सइवधम्मे न करेमो' ?) । अण्णया वियड्डमाणिक्के बंभणे गहीयसंबंधे पेसिय गओ अप्पणा जिणयत्तगेहं । कओ य उचिओवयारो । भणियं बंभणेहिं – 'अज्ज ! चंद विवा गउरा मिलिया अम्ह हिंडियाणि (ण) देसंतरेसु दिट्ठा । ता सोहणं हवइ जइ तुम्हाणं विसिट्ठसंबंधो होइ' । जिणयत्तेण गहिओ अभिप्पाओ । भणियं च णेण 'तुम्हाणं अणुभावेण सोहणं भविस्सइ' । अण्णया पयडं वराविया [ सागरेण] । जिणयत्तेण भणियं 'उचिया एसा ह। किंतु अभिग्गो मज्झं ताहव(जहा ?) मज्झ [पुत्ताइं न] अन्नधम्मिगेहिं निजोजेमि' । सुयमियं चंदेण। ‘अहो ! सोहणो आयरो' । [तओ] धम्मं सुणिउमाढत्तो । पडिबुद्धो कम्मोवसमेण । वियाणियमिणं जिणयत्तेण । दिन्ना दारगा महाविभूईए । वत्तो वीवाहो ।
-
-
अइक्कंतो कोइ कालो । अस्थि परोप्परमिमाण पीई । धम्मविभाएण य न तहा पिइ - पुत्ताणं । कालक्कमेण जाया आवण्णसत्ता वीरसुभा । अण्णया धम्मपेक्खणगे जिणगुणकित्तणतुट्टेण लक्खो दीणाराण दिण्णो चंदेण । 'अविढत्तकवडगो'त्ति खरंटिओ पिउणा । निग्गओ अभिमाणेण । कया पइण्णा 'जाव मए कोडी न विढत्ता न ताव गिहं पविसामि' । सुयमिणं वीरसुभाए । जाओ निव्वेओ । गया तस्स पिट्ठओ । दिव्वजोगेण एगागीणि संवुत्ताणि । अइक्कंता कइ वि दियहा । अडविं पविट्ठाणि । एयंमि समए * अत्र पत्रं कृत्तमस्ति ।
-
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |