________________
[१२]
Amavasnase
निस्संगयाए कस्सइ, गओ परिव्वायओ अकहिऊणं । जोगप्पा नामेणं, थाणेसरमह य जणवाओ ॥ जाओ; वीरमई पवसिय त्ति नाउं; तुमं च जोगप्पा । एत्तो गओ; त्ति चिंतसि, कम्मोदयओ सममणेण || वीरमई वि य होही, गय त्ति; अह अन्नया य राऊले । जाया कहा - 'न नज्जइ, वीरमई पवसिया कहि वि ॥ तत्तो गुणप्पओसी, भणसि तुमं - 'किमिय(ह) जाणियव्वमहं । जाणामि'; तो निवेणं, 'कह(हिं)' पुट्ठो भणसि - 'सद्धिं ॥ . जोगप्पणा गया सा', रायाऽऽह – 'कलत्तचत्तसंगो सो' । भणियं तए - 'अओ च्चिय, सो पव्वइ(हरइ ?) परकलत्ताई ॥ देव ! एवंविहो च्चिय, पासंडिजणो न एत्थ कायव्वा । बुद्धी सामुइएणं(?), सोउं चेमं जणो उ चलो ॥ धम्ममि विपरिणओ, सेसपरिव्वायया वि सोउमिमं । बझं कुणंति जोगप्पमेवमेयं विडंबंता ॥ मिच्छाहिनिवेसेणं, तिव्वं कम्मं निकाइऊण मओ । कोल्लागसन्निवेसे, जाओ तुममेलगो तत्थ ॥ तक्कम्मपहावेण य, जीहं सडिउं मओ समुप्पन्नो । कोल्लागसंनिवेसाडवीए गोमाउगत्ताए । तहिं वि तक्कम्मपेरियतारिसफलभक्खणे सं(स)डियजीहो मरिऊण समुप्पण्णो, साएयपुरे निवपियाए ॥ मयणलयानामाए, विलासिणीए सुओ तरुणभावे । तक्कम्मदोसओ च्चिय, कयाइ सुरपाणमत्तो त्ति ॥ दढमक्कोसंतो निवजणणिं, कज्जं विणा निवसुएणं । वाराविओ त्ति तं पि य, अक्कोसेंतो सुकुविएण ॥ छिदावियजीहो तेण विसन्नो लहि(ज्जि)ओ कयाणसणो । मरिउमिह पुंडवद्धण-माहणपुत्तो समुप्पन्नो ॥ तह पाविहिसि इमंमि वि, भवंमि तक्कम्मसेसओ किंचि । लोयविडंबण'मेवं, सोउमहं जायवेरग्गो ॥ सुगुरुसमीवे जाओ, साहुपरिव्वायओ त्ति गुरुणा य । आगासगामिणी मे, तालुग्घाडणिज्जया विज्जा ॥ दिन्ना मरमाणेणं, भणिओ य तओ - 'पउंजियव्वाओ । एयाओ विज्जाओ, धम्मसरीरस्स रक्खत्थं ॥ पत्तंमि महावसणे, कहिं पि नऽन्नत्थ; तह य एयाओ । धारितेणाऽलीयं, हासेण वि नेय वत्तव्वं ॥
