Page Text
________________
[२५२]
भोयणं देमि' । ते भणंति - 'महाणुभावे ! वेयपाढरोहितो अम्हेहितो वि को अण्णो पत्तभूओ ?' । एवं च पुणो पुणो पत्थिया वि जाहे सुलसा न पसीयइ ताहे नयरबाहिं निग्गंतुं अम्मडो विज्जाबलनिम्मियगोमत्थए पउममारूढो विविहभंगेहिं धम्ममग्गमविरुद्धं साहिउमारद्धो । तं च तहा दट्ठण सयलो वि रायगिहलोओ समक्खित्तचित्तो भणइ – 'अहो ! सयमेसो परमेसरो बंभा अवयरिओ' । सम्माणिज्जए य भोयणाईहिं सपरिवारो परमूसवेण नेउं नियनियगिहलो(भा?)एसु लोएण ।
अण्णदियहमि सयललोयसमक्खं भणइ – 'न किं चि केणइ वत्तव्वं, सुलसागिहमज्ज वच्चिस्सामि' । तं च सोउं सहरिसं धाविओ लोओ गिहं गंतुं सुलसं भणइ – 'वद्धाविज्जसि सुलसे ! वंदुरमालाबंधणाईहिं मंगलकिच्चं करेहि' । सुलसा भणइ – 'किमहो ! संपत्तो महावीरो ?' लोओ भणइ – 'किं महावीरेण? कयत्था तुमं जीए घरंगणंमि सयमेवुच्छहिओ परमेसरो बंभा !' सुलसा भणइ – 'नाऽहमेरिसएहिं कयत्थमप्पाणं मण्णामि' । तं च सोऊण विलक्खो जणो गंतुं अम्मडस्स साहेइ ।
सो वि सुलसासत्तावज्जियहियओ तं तुवाल(?)मुवसंहरिऊण सपरिवारो निसीहियं कुणंतो समागंतुं पविट्ठो सुलसाघरं । सा वि 'सागयं निसीहियाए'त्ति जपंती ससंभममुट्ठिया तं सुहाउच्छियाए य [नि]यजिणिंदघरपडिमाओ पुरओ ठाउं दंसेइ । वंदियाओ य ताओ थुइ-थोत्तसहिलेण(?) भावसारमम्मडेण । तओ निग्गओ समुचियपएसदिन्नासणमुवविट्ठो । कयमागमविहिणा परोप्परं वंदणाइकिच्वं । तओ सुलसा सावसरं भणइ - 'किमेवं तुब्भेहिं विसरिसमेत्तियाणि दिणाणि वत्तियं ?' तओ सब्भावं साहिऊण निवेइयमहावीरवुत्तंतेण पुच्छिया कुसलवत्तं अम्मडेण । सा वि तं सोऊणुल्लसियमाणसा भणइ - 'कीरउ भोयणाइणा ममाऽणुग्गहो' । भणइ अम्मडो – 'पायमम्हे फासुयाहारयाणं भोइणो' । तओ तहेव भत्तीए भुंजाविओ अम्मडो । धम्मकहाए य सुलसाए सह कंचि कालं गमिऊणं गओ समीहियट्ठाणं ।
साभिग्गहो य वयगहणकालाओ चेव अम्मडो जहा - तसरहियमुदगमम्हं कप्पइ । तं पि दिण्णमण्णेहिं नाऽदिण्णं । अन्नया य कयाइ कंपिल्लपुराओ अम्मडो पत्थिओ पुरिमतालनयरं । वच्चंतेहिं तत्थ अंतरा सुट्ठतिसिएहिं दिट्ठमेगमुदगट्ठाणं । न य कोइ उदगदाया अस्थि । तओ चिंतियं तेहिं जं - 'दिण्णं उदगं गेण्हामो तो अवस्सं मरामो । ता किं संपयं काउमुचियं ?' पुणो य सव्वेहिं वयपालणं चेवाऽणुमयं ति नियत्ता जलपरिभोगाओ । तओ गंगानईतीरे वालुयापुलिणंमि दब्भसंथारमुवगया महावीरपायमूलमणुसरंता विहीए पवण्णा पायवोवगमणाणसणं । कयकाला य समुप्पण्णा सव्वे वि बंभलोयकप्पे दससागरोवमाउणो देवा । तओ य चुओ अम्मडदेवो सुगईसु हिंडिऊणिहेव भारहे वासे होही बावीसइमो देवोवसमों (?) नाम जिणो त्ति ॥
साहियअम्मडसमो य बीओ वि वत्तव्वो सामिसीसो अंबडसावओ । नवरं सो कालं काउं समुप्पण्णो सहस्सारे । तओ य चुओ इहेव महाविदेहे दढप्पइण्णो नामिब्भपुत्तो होऊण सिज्झिस्सइ त्ति ॥छ। अम्मडो त्ति गयं ॥छ।
___ सुलसा वि गया देवलोयं । तओ सुगईसु हिंडिऊणिहेव भारहे होही *पन्नरसमो निम्ममो नाम जिणो त्ति ॥छ। सुलस त्ति गयं ॥छा। *समवायाङ्गसूत्रादिषु विमल इति नामाऽस्ति । **समवायाङ्गसूत्रादिषु षोडश इत्युल्लेखः ॥
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |