Page Text
________________
गणियाए दुहिया जाया ।
जोव्वणत्थाए तीए सो सोल्लगजीवबडुओ अईव रत्तुम्मत्तो जाओ । सा वि रायामच्च - सेट्ठिसत्थवाहपुत्तेहिं सह कीलंता तमवमन्नइ । [ सो वि] गणियाघराओ धाडिज्जंतो वि तेण आभिओगियनिबद्धकम्मदोसेण तीए कम्मं करिसणाईयं करंतो न निग्गच्छइ । एवं च सो ताडण - निद्धाडण - भुक्ख-तिसाओ विसहंतो कालं गमेइति ॥छ । सोल्लगो त्ति गयं ॥छ ।
'ता पिययमाओ ! नाऽहं वडवासरिसीओ तुब्भे नियपोसगासंपाडणेण वाहित्ता आभिओगियं कम्मं निव्वत्ति-स्सामि' ।
तओ कमलाईए भणियं मासाहससउणिकहा भण्णइ
-
भण्णइ
एक्को मुणीसो (मणूसो) दुब्भिक्खपीडिओ सयण - बंधवाई मोत्तूण सत्थेण समं संतरं पत्थओ । तत्थ य अंतरालाडवीए सत्थे समावासिए कट्ठ-तणाणयणनिमित्तं सो गओ एगंमि वणनिगुंजे वग्घं सुहपसुत्तं पेच्छइ । जया य वग्घो संनिधाइ (?) त[ या ] मुहस्स दंतंतरेसु संठियाई मंसखंडाई लुंटित्ता पुणो पुणो तरुवरमारुहिऊण 'मा साहसं मा साहसं 'ति फुडक्खरेहिं रडमाणं सउणिविसेसमेगं पेच्छइ । तओ 'अहो धट्टो एसो सउणि 'त्ति चिंतिउं पढइ
-
[११९]
-
'सामि ! मा तहा तुमं साहसिओ होसु जहा मासाहससउणि त्ति ||छ ।
मासाहससउणि त्ति गयं ॥ छ |
'ता सामि ! तुमं पि पच्चक्खं संसारसुहं निंदंतो अणागयसुहत्थी दुक्खरूवतवच्चरणुज्जओ मासाहससउणितुल्लो' ।
तओ जंबूनामेण भणियं 'पिययमाओ ! नाऽहं बु (भु)ल्लामि जाणंतो तिमित्ताणि 'त्ति तिमित्तकहा
' मा साहसं [ति] जंपसि, वग्घमुहाओ आमिसं हरसि ।
धट्ठो व्व सउणि ! दीससि, वायासरिसं न हु करेइ (सि) ' ॥
खिड्पट्ठिए नरे जियसत्तू राया । तस्स पुरोहिओ सोमदत्तो नाम सव्वाहिगारी । तस्स य तिण्णि मित्ताणि । एगो सव्वत्थ मिलिओ खाण - पाणाइकारी सहमित्तो नाम । बीओ ऊसवेसु चेव सम्मा[ण] णिज्जो पव्वमित्तो नाम । तइओ जत्थदिट्ठालवणाइमेत्तोवयारो जोहारमित्तो नाम । अण्णया तस्स उवरोहियस्स तंमि रायकुले अवराहो आगओ । कुविओ य से राया वहपरिणओ । पुरोहिओ य भीओ सहमित्तस्स घरं गंतुं सव्वं साहेइ । सो सुट्टुयरं भीओ भण 'नीसर मम गिहाओ । मा तुज्झ अवराहेण अहमवि विणस्सामि' । तओ सो पुरोहिओ तेण निब्भच्छिओ समाणो निग्गओ नियघरस्सुवरं (स्सुंबरं?) पि जाव न बोलाविओ । तओ गओ पव्वमित्तस्स समीवे । साहिओ रायावराहवुत्तंतो । तेणाऽवि किंचि संभासं काऊण नीसारिओ । वोलाविओ य चच्चरं जाव । तओ पडिनियत्तो । तओ पुरोहिओ भीओ चिंतेइ 'मम एएहिं अईव नेहाणुरायवंतेहिं न कोऽवि उवयारो कओ । ता संपयं जोहारमित्तं पेच्छामि' । गओ तस्स घरं । साहिओ रायावराहो । तओ तं सोऊण भणियं जोहारमित्तेण ' मा बीहेहि । ममंमि जीवंते को ते वालं पि गेण्हइ ?' तओ पुरोहिओ भइ 'सरज्जाओ उत्तारेहि, जेण पररज्जे सुहं अच्छामि' । ताहे
-
—
-
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |