Page Text
________________
[१०६]
amnavaman
wwwwwwwwwwwwwwwwwwww
न य विज्जाहिं कज्ज' । तं च सोऊण पभवो विम्हिओ संवरियविज्जावयारो पणमिऊणुवविठ्ठो तदंतिए भणइ जंबुनामा[णं] – 'विसयसुहमेयाहि सहिओ परिभुंजाहि ताव । तओ धम्मं करेज्जसु' । जंबुनामेण भणियं 'भो पभव ! किं विसयसुहेण सेविएण वि ? जओ तेण तुच्छेणाऽवायबहुलेण दुही [होइ] देही जहा महा(हु)बिंदुपुरिसो'त्ति महुबिंदुपुरिसकहा भण्णइ -
'एगो पुरिसो बहुविहदेसपरिब्भमणसीलो अडविं सत्थेण सह पविट्ठो । सो य सत्थो चोरेहिं विलुत्तो दिसो दिसिं गओ । सो वि पुरिसो चोरभएण पब्भट्ठो महाडविं पविट्ठो । तस्स य मग्गेण महंतो हत्थी पहाविओ । पुरिसो वि तस्स भएण पलाइउमारद्धो । जाव सो हत्थी करेण न छिवइ ताव पुरिसेण तणच्छन्नो कूवो दिट्ठो । तस्स तडे महंतो वडपायवो । तस्स य मूलं कूवे पविटुं । पुरिसो वि भयाभिभूओ तंमि चेव कूवे झंपं दाऊण तं चेव मूलं गहिऊण ठिओ । सो य कूवबंधं जाव पलोएइ ताव तत्थ दिट्ठो अणेणाऽयगरो महाकाओ विदारियमुखो गसिउकामो परं जं न पावइ । पासेसु य चउदिसिं ललंतजीहा चत्तारि महासप्पा डसिउकामा दिट्ठा । पारोहं च किण्ह-सुक्किला दो मूसया परिछिदिउमारद्धा । हत्थी य सुंडेण तस्स केसंताणि परामुसइ रोसेण वडसाहं च आहणइ । तत्थ ट्ठियाओ बहुयाणि(महुकोसाओ) मच्छिआयो य उड्डियाओ तं पुरिसं खायंति । इओ य महुकोसाओ चालियाओ महुबिंदू पुरिसस्स निडाले निवडइ । सो य ओगलंतो मुहपएसमागओ । पुरिसो य तं महुबिंदुं आसाइउमाढत्तो सुहं च मन्नइ' ।
एसो दिटुंतो । जोजणा पुणेमस्सेवं – जहा पुरिसो तहा संसारी जीवो । जह अडवी तहा संसारो। जहा वणहत्थी तहा मच्चू । जहा कूवो तहा मणुस्सभवो । जहा अयगरो तहा नगरं(र)गो* | जहा चत्तारि सप्पा तहा कोह-माण-माया-लोभा । जह वडपायवपरोहो तहा आऊ । [जहा किण्ह-सुक्किला दो मूसया तहा किण्ह-सुक्कपक्खा ।] जहा ताओ महुमच्छियाओ तहा अणेगाओ वाहीओ । जहा सो महुबिंदू तहा विस[य]सुहं ति ॥छ। महुबिंदुपुरिसो त्ति गयं ॥छ।।
_ 'अओ भणामि पभव ! तुच्छमवायबहुलं च विसयसुहं । जइ पुण विज्जाहरो देवो वा कोइ तं पुरिसं उत्तारेज्ज, तओ सो इच्छेज्ज न वा ?' पभवेण भणियं - 'को ते नेच्छइ ?' जंबूनामो भणइ - 'जइ एवं ता गणहरे भवोदहिउत्तारगे कहं न उत्तरामि ?' पभवेण भणियं - 'महाभाग ! तव पव(च्च)क्खेणं [नेहजुत्ता] चेव अम्मापियरो विविहगुणसंजुत्ताओ तहाऽणुरत्ताओ भारियाओ दीसंति । अओ अणुकूलं बंधवजणं न जुत्तं परिच्चइउं' । जंबुनामेण भणियं – 'पभव ! को संसारे बंधुनिब्बंधो ? जा(ज)ओ बंधू वि बंध(धो?) जाइ कम्मेहिं, जहा कुबेरदत्तो त्ति छ। कुबेरदत्तकहा भण्णइ –
महुराए नगरीए कुबेरसेणा नाम गणिया पढमगब्भेण खेइया । तओ जणणीए वेज्जस्स दंसिया । तेण भणियं – 'जमलगब्भदोसेणं एईए बाहा । [न] उण कोइ वाहिदोसो । एवं च जाणिए जणणीए भणिया – 'पुत्ति ! मा ते पसवणकाले पीडा भविस्सइ सरीरस्स । ता गाल्लेमो ते गब्भं' । तीए न इच्छियं । तओ समए दारओ दारिया य जाया । जणणीए भणियं – 'उज्झिज्जंतु दुक्खकारयाणि एयाणि' । तीए भणियं – 'जइ ते निबंधो ता दसरायं पोसिज्जंतु' । तओऽणाए दुवे मुद्दाओ कुबेरदत्तकुबेरदत्तानामंकियाओ करावियाओ । तओ पूरे दसराए मंजूसाए रयणपूरियाए छोढूण जउणानईए पवाहियाई।
* नगरग = गृहम् ॥ वसुदेवहिंड्याम् ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |