Page Text
________________
[९८]
wwwvicm
पसन्नचंदो जंमि समए. मया वंदिओ, जइ तंमि कालं करेज्ज ता कत्थ गच्छेज्ज' ? सामी भणइ - 'सत्तमीए' । तओ चिंतेइ – 'कहं साहुणो नरगगमणं ? ता मए दुट्ठ सुयं' । पुणो थेववेलाए पुच्छइ - 'भगवं ! पसन्नचंदो इयाणि जइ कालं करेइ ता कं गई गच्छइ ?' सामी भणइ – 'सव्वट्ठसिद्धि' । तओ भणइ – 'कहं इमं दुविहं वागरणं ?'
सामी भणइ – 'झाणविसेसाओ । जओ सो तंमि समए दुम्मुहभणियसवणेण संजायामरिसो सामंतामच्चाईहिं समं वासणामेत्तओ भर(रे?)ण जुज्झमाणो तए वंदिओ । तंमि य समए तेण रोद्दपरिणामत्तणओ सत्तमपुढवीजोग्गमाउगं निबद्धमासि । तुमंमि य समागए सो चिंतेइ - 'मम सव्वाणि वि सत्थाणि [समत्ताणि] । ता संपयं सिरत्ताणेण सव्वं हणामि' । तओ कलयोरं(कयलोयं) सिरं परामुसंतो पडिबुद्धो - 'कहं सकज्जं चइउं परकज्जे ल(स)ज्जेमि ?' तओ निंदण-गरिहणं करेंतो आलोइयपडिक्कतो पसत्थज्झाणोवगओ सव्वट्ठसिद्धिजोग्गो जाओ'त्ति ।।
एत्थंतरंमि य पसण्णचंदसमीवे दिव्वो देवदुंदुभिसणाहो महंतो कलयलो उद्धाइओ । तओ सेणिएण वुत्तं – 'सामि ! किमेयं ?' सामिणा वुत्तं - विसुज्झमाणपरिणामस्स केवलणाणं समुप्पण्णं । तेण केवलिमहिमं देवा कुणंति' । तओ सोऊणेवं सेणिएणं भणियं - 'महाणुभावं केवलनाणं कत्थमण्णे वोच्छिज्जिही ?' तंमि य समए बंभिंदसमाणो विज्जुमाली नाम देवो चउहिं देवीहिं सहिओ भगवंतवंदणत्थमुवागओ । सो य उज्जोएंतो दस वि दिसाओ दरिसिओ भगवया – 'एयंमि वोच्छिज्जिही' । राया पुणो पुच्छइ – 'कहं देवो केवली होइ ? जओ मणुस्सस्स वि सुद्धचारित्ते तब्भवचरिमे केवलनाणसंभवो तुब्भेहि पुव्वं मम कहिओ आसि' । भगवया भणियं – 'एसो वि देवो चुओ सत्तमदिवसे मणुस्सो भविस्सई' । राया भणइ – 'चवणसमए देवो परिहीणतेओ हवइ । एस पुण अभिभवइ तेयसा सूरंपि । तं कहमेयं ?' भगवया भणियं – 'एसं(सो) संपयं परिहीणजुई । पुव्वं पुण जम्मंतरकयसुकयाओ सुट्ठ तेओ आसि' । तओ राया भणइ – 'कहं विय ?' भगवया भणियं – 'सुम्मउ नामेणेसो गिज्जंतो विज्जुमालि'त्ति छ। विज्जुमालिकहा भण्णइ -
'इहेव जंबुद्दीवे भारहे वासे मगहाविसए सुगावे( मे) अज्जवनामरट्ठउडो आसि । तस्स रेवई भारिया। तेसिं दुवे पुत्ता - भवदत्तो भवदेवो य । तत्थ जेट्ठो जोव्वणसमए सुट्ठियायरियस्स समीवे पव्वइओ। तओ गुरुसहिओ विहरइ ।
अण्णया तंमि गच्छे एक्केण साहुणा आयरिया विण्णत्ता जहा – 'सयणिज्जयसमीवं गंतुमिच्छामि तुब्भेहिं अणुन्नाओ । तत्थ मे कणीयसो भाया । सो मे अईव सिणेहसंतुट्ठो मं दट्ठण पव्वइस्सइ' । तओ तेहिं विसज्जिओ बहुस्सुयसाहुसहाओ । दट्ठण य बंधवजणं पडिनियत्तो गुरूणं आलोएइ जहा – 'भगवं! सो मे भाया पुव्वलद्धकन्नगमम्मा-पिऊहिं संपयं परिणाविज्जंतो न पव्वज्जत्थमागओ' । भवदत्तेण भणियं - 'कहं भाउगो विवाहकोउगे वि बद्धमणो भाउगं दट्ठण पिट्ठओ न लग्गइ ?' इयरेण साहुणा भणियं - 'पेच्छिस्सं भाउगं तुमं पव्ववेत' । भवदत्तेण भणियं - 'जइ मगहाविसए खमासमणा विहरिस्संति ता पेच्छिहिसि तुमं पि भाउगं मे पव्वयंत' ।
विहरता य आयरिया मगहाजणवयं गया । विन्नविया भवदत्तेण – 'भयवं ! सयणिज्जे दट्ठमिच्छामि असहाओ' । तेहिं विसज्जिओ । भवदेवस्स य [एयंमि चेव] समयं[मि] नागदत्तस्स दुहियाए वासुकी
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |