________________
ચહેરા પર પ્રસન્નતા વિલસી રહી છે, આંખોમાં જીવમાત્ર પ્રત્યેની મૈત્રીની ધારા વહી રહી છે, મોંમાં નવકાર છે, હૈયામાં દેવગુરુનું સ્મરણ છે. કોઈ અસ્વસ્થતા નથી ! કશો ઉચાટ નથી! બસ શેષ રહી છે એક દિવ્ય મધુરતા ! સુરેશ દલાલની પંક્તિઓ યાદ આવે –
રે ! મૃત્યુ પણ એવું હજો ! એવું મધુર ! કે આયખાની જે બધી વીતી ક્ષણો, સૌ સામટી બોલી ઊઠે, આ આપણો કેવો અભાગી સંઘ ! છેલ્લી ઘડી હૈ ના શક્યા - કેવી કસૂર?”
વસ્તુપાલને અંતિમ ઈચ્છા પૂછવામાં આવી. જવાબમાં અમર શબ્દો સર્યા -
"शास्त्राभ्यासो जिनपदनतिः सङ्गतिः सर्वदायें:, सद्वृत्तानां गुणगणकथा दोषवादे च मौनम् । सर्वस्याऽपि प्रियहितवचो भावना चाऽऽत्मतत्त्वे, संपद्यन्तां मम भवभवे यावदाप्तोऽपवर्गः ॥
“૧.શ્રુતજ્ઞાનનો અભ્યાસ, ૨. જિનેશ્વરનાં ચરણોની સેવા, ૩. આર્યપુરુષોની સંગતિ, ૪. સજ્જનોના ગુણોની અનુમોદના, ૫. નિંદાનો ત્યાગ, ૬. બધાંને પ્રિય અને હિતકર વચન, ૭. આત્મસ્વરૂપમાં રમણતા - આ સાત વાનાં મને મુક્તિ ના મળે ત્યાં સુધી ભવે ભવે મળજો, એવી દેવગુરુધર્મની કરુણા વરસજો.”
