________________
= મારા અનુભવો
જોડીને માફી માગી કે બેન, અમારા બધાની ભૂલ થઈ ગઈ છે અને અમે કામ ઉપર ચડવા તૈયાર છીએ. મેં અને છોકરીઓએ પ્રેમથી આખા સ્ટાફને કહ્યું કે અમો તમારું સ્વાગત કરીએ છીએ અને હવે આજે તમો બધા ટેબલ ઉપર જમવા બેસો અને પ્રેમથી અમોએ બનાવેલી રસોઈ અમે પીરસશું તે તમો જમો તો અમોને ખૂબજ આનંદ થશે. દરરોજ તો તમો અમોને પ્રેમથી જમાડો છો. તો આજે અમોને પણ આવી તક આપો. મહારાજ અને આખો સ્ટાફ ખૂબજ શરમાઈ ગયા અને કહેવા લાગ્યા કે ના બેનો, મહેરબાની કરીને અમોને શરમાવશો નહીં - આ પ્રેમપૂર્વકના શબ્દો બોલીને બધા રસોડામાં દોડી ગયા.
આમ, સરોજિનીદેવી હોસ્ટેલની અંદર જે નાનું હિંદુસ્તાન વસે છે તેને આજે આ દષ્ટાંત રજૂ કરીને પુરવાર કરી દીધું કે બધા ભેદ-ભાવ ભૂલીને, ખભે ખભા મિલાવીને રાજકારણને વચમાં લાવ્યા વગર સાથે મળીને કામ કરશું તો વિજયને વરશું. આમ, અન્યાય સામે ઝૂકવું નહીં એવો અનુભવ - પાઠ બેનોએ આ હોસ્ટેલની પાઠશાળામાં શીખી લીધો. - આ પ્રસંગે ૩૦૦ કન્યાઓના હૃદયમાં એકતાનો ઝંડો રોપી દીધો અને હોસ્ટેલની “જય’ બોલાવી. તારીખ : ૧૯-૮-૨૦૧૩
લેખિકાઃ ઉર્મિલા એસ. ધોળકિયા વોર્ડન (ગૃહમાતા) સરોજિની નાયડુ હોલ, લેડીઝ હોસ્ટેલ, એમ.એસ. યુનિવર્સિટી, વડોદરા. *****
[ ૩૩ ]
૩૩
