________________
१७०
निरयावलिका सूत्र रज्जसिरिफलं पञ्चणुब्भवमाणे विहरइ, नो कूणिए राया, तं किं अम्हं रज्जेण वा जाव जणवएण वा जइ ण अम्हं सेयणगे गंधहत्थी नत्थि ? तं सेयं खलु ममं कूणियं रायं एयमद्वं विनवित्तए' त्ति कटु एवं संपेहेइ, संपेहित्ता जेणेव कूणिए राया तेणेव उवागच्छइ, उवागच्छित्ता करयल० जाव एवं वयासी-एवं खलु सामी ! वेहल्ले कुमारे सेयणएणं गंधहत्थिणा जाव अणेगेहिं कीलावणएहिं कीलावेइ, तं किणं सामी ! अम्हं रज्जेण वा जाव जणवएण वा जइणं अम्हं सेयणए गंधहत्थी नत्थि ? ।
तएणं से कूणिए राया पउमावईए देवीए एयमद्वं नो आढाइ, नो परिजाणइ, तुसिणीए संचिटइ । तएणं सा पउमावई देवी अभिक्खणंर कूणियं रायं एयमद्वं विन्नवेइ ।
तएणं से कूणिए राया पउमावईए देवीए अभिक्खणं२ एयमद्वं विनविज्जमाणे अन्नया कयाइ वेहल्लं कुमारं सदावेइ सद्दावित्ता सेयणगं गंधहत्थिं अट्ठारसर्वकं च हारं जायइ ।
तएणं से वेहल्ले कुमारे कूणियं रायं एवं वयासी-एवं खलु सामी! सेणिएणं रन्ना जीवंतेणं चेव सेयणए गंधहत्थी अट्ठारसवंके य हारे दिने, तं जइ णं सामी ! तुब्भे ममं रजस्स य रहस्स य जणवयस्स य अद्धं दलह तो गं अहं तुम्भं सेयणगं गंधहत्थिं अट्ठारसवंकं च हारं दलयामि ।
तएणं से कूणिए राया वेहल्लस्स कुमारस्स एयमद्वं नो आढाइ, नो परिजाणइ, अभिक्खणं२ सेयणगं गंधहत्थिं अट्ठारसर्वकं च हारं जायइ ।
तएणं तस्स वेहल्लस्स कुमारस्स कूणिएणं रन्ना अभिक्खणं२ सेयणगं गंधहत्थिं अट्ठारसर्वकं च हारं [जाएपाणस्स समाणस्स अयमेयारूवे अज्झथिए ४ समुप्पज्जित्था] एवं खलु अक्खिविउकामे गं गिहिउकामे गं उद्दालेउकामे णं ममं कूणिए राया सेयणगं गंधहत्थिं अट्ठारसर्वकं च हारं
શ્રી નિરયાવલિકા સૂત્ર
