________________
८४
जम्बूद्वीपप्रज्ञप्तिसूत्रे
चरइ, तयाणं किं संठिया तावखित्तसंठिई पन्नत्ता ? गोयमा ! उद्धो. मुहकलंबुयापुप्फसंठाणसंठिया तावखेत्तसंठिई पन्नत्ता अंतो संकुया बाहिं वित्थडा अंतो वट्टा बाहिं विहुला अंतो अंकमुहसंठिया बाहिं सगडद्धीमुहसंठिया उभयो पासेणं तीसे दो बाहाओ अवट्टियाओ पणयालीसं पणयालीसं जोयणसहस्साई आयामेणं दुवे यणं तीसे वाहाओ अणवट्रियाओ हवंति, तं जहा-सव्वम्भंतरिया चेव बाहा सव्वबाहिया चेव बाहा, तीसेणं सव्वभंतरिया बाहा मंदरपव्वयं तेणं णव जोयणसहस्साई चतारि छअसीए जोयणसए णव य दसभाए जोयणस्स परिक्खेवेणं, एसणं भंते ! परिक्खेवविसेसे कओ आहिएति वएज्जा ? गोयमा ! जं णं मंदरस्स परिक्खेवे तं परिकखेवं तिहिं गुणेत्ता दसहि छेत्ता दसहिं भागे हीरमाणे एस परिक्खेवविसेसे आहिएति वएज्जा, तीसेणं सव्वबाहिरिया बाहा लवणसमुदंतेणं चउणवई जोयणसहस्साई अटुसट्टे जोयणसए चत्तारि य दसभाए जोयणस्स परिक्खेवेणं, से गं भंते ! परिक्खेवविसेसे कओ आहिए ति वएज्जा ? गोयमा ! जे णं जंबुद्दीवस्स परिक्खेवे तं परिक्खेवं तिहिं गुणेत्ता दसहिं छेत्ता दसभागे हीरमाणे, एसणं परिक्खेवविसेसे आहिए ति वएज्जा इति । तयाणं भंते ! तावखित्ते केवइयं आयामेणं पन्नत्ते? गोयमा ! अट्टहत्तरि जोयणसहस्साइं तिपिण य तेत्तीसे जोयणसए जोयणस्स तिभागे य आयामेणं पण्णत्ते, मेरुस्स मज्झयारे जाव य लवणस्स रुंद छब्भागे । तावायामो एसो सगड्डद्धी संठिओ नियमा १। तयाणं भंते ! किं संठिया अंधकारसंठिई पण्णता ? गोयमा ! उद्धीमुहकलंबुआ पुष्फ संठाणसंठिया अंधकारसंठिई पण्णत्ता, अंतो संकुलया बाहिं वित्थडा तं चेव जाव तीसेणं सव्वभंतरिया बाहा मंदरपव्वयं ते ण छ जोयणसहस्साइं तिषिण य चउवीसे जोयणसए छच्च दसभाए जोयणस्स परिक्खेवेणंति, से णं भंते ! परिक्खेवविसेसे कओ आहिए ति वए
જમ્બુદ્વીપપ્રજ્ઞપ્તિસૂત્ર
