________________
जम्बूद्वीपप्रज्ञप्तिसूत्रे तयाणं उत्तमकटुपत्ते उक्कोसए अटारसमुहुत्ते दिवसे भवइ, जहणिया दुवालसमुहुत्ता राई भवइ, से णिक्खममाणे सूरिए णवं संवच्छरं अयमाणे पढमंसि अहोरत्तंसि अब्भंतराणंतरं मंडलं उवसंकमित्ता चारं चरइ। जयाणं भंते ! सूरिए अब्भंतराणंतरं मंडलं उवसंकमित्ता चारं चरइ तयाणं के महालए दिवसे के महालिया राई भवइ ? गोयमा ! तयाणं अट्ठारसमुहुत्ते दिवसे भवइ, दोहिं एगसटिभागमुहुत्तेहिं ऊणे दुवालस मुहुत्ता राई भवइ दोहि य एगसटिभागमुहुत्तेहिं अहियत्ति, से णिक्खममाणे सूरिए दो च्चंसि अभंतराणंतरं मंडलं उवसंकमित्ता चारं चरइ तयाणं के महालए दिवसे के महालिया राइ भवइ, गोयमा! तयाणं अट्ठारसमुहुत्ते दिवसे भवइ चउहिं एगसट्ठिभागमुहत्तेहिं ऊणे, दुवालसमुहुत्ता राई भवइ चउहिं एगसटिभागमुहुत्तेहिं अहिय त्ति। एवं खलु एएणं उवाएणं णिक्खममाणे सूरिए तयाणंतराओ मंडलाओ तयाणंतरं मंडलं संकममाणे दो दो एगसद्विभागमुहुत्तेहिं एगमेगे मंडले दिवसखित्तस्स णिबुद्धेमाणे णिबु. द्धमाणे रयणिखित्तस्स अभिवढेमाणे अभिबद्धेमाणे सव्वबाहिरंमंडलं उवसंकमित्ता चारं चरइ ति । जयाणं सूरिए सव्वभंतराओ मंडलाओ सव्वबाहिरं मंडलं उवसंकमित्ता चारं चरइ तयाणं सव्वभंतरमंडलं पणिहाय एगेणं तेसीएणं राइंदियसएणं तिण्णि छाव? एगसटिभाग मुहुः त्तसए दिवसखेत्तस्स निबुद्धत्ता रयणि खेत्तस्स अभिबुद्धे त्ता चारं चरइ त्ति जयाणं भंते ! सूरिए सव्वबाहिरं मंडलं उवसंकमित्ता चारं चरइ तयाणं के महालए दिवसे के महालिया राइ भवई ? गोयमा ! तयाणं उत्तमकट्ठपत्ता उक्कोसिया अट्ठारस मुहुत्ता राई भवइ जहण्णए दुवालसमुहुत्ते दिवसे भवइ ति एस णं पढमे छम्मासे एसणं पढमस्स छम्मासस्स पज्जवसाणे । से पविसमाणे सूरिए दोच्चं छम्मासं अयमाणे पढमंसि अहोरसि बाहिराणंतरं मंडलं उवसंकमित्ता चारं चरइ तयाणं के महालए दिवसे भवइ के महालया राई भवइ, गोयमा! अट्ठारसमुहुत्ता राई भवइ दोहिं एगसटिभागमुहुत्तेहिं अहिए से पविसमाणे सूरिए
જમ્બુદ્વીપપ્રજ્ઞપ્તિસૂત્રા
