________________
प्रकाशिका टीका - चतुर्थवक्षस्कारः सू०४४ रम्यकवर्षनिरूपणम्
५१९
गोयमा ! हेरण्णव णं वासे रुप्पीसिहरीहिं वासहरपव्वएहिं दुहओ समवगूढे णिच्चं हिरण्णं दलइ णिच्चं हिरण्णं मुंचइ णिच्चं हिरण्णं पगासइ हेरण्णव य इत्थ देवे परिवसइ से एएण्ट्टेति ।
कहि णं भंते ! जंबुद्दीवे दीवे सिहरी णामं वासहरपव्वए पण्णत्ते ? गोयमा ? हेरण्णवयस्स उत्तरेणं एरावयस्स दाहिणेणं पुरत्थिमलवणसमुहस्स पञ्चत्थिमेणं पञ्च्चत्थिमलवण समुद्दस्त पुरत्थिमेणं, एवं जह चेव चुल्लहिमवंतो तह चेव सिहरी वि, णवरं जीवा दाहिणेणं धणुं उत्तरेणं अवसिद्धं तं चेव पुंडरीए दहे सुवण्णकूला महाणई दाहिणेणं णेयव्वा जहा रोहियंसा पुरत्थिमेणं गच्छइ, एवं जह चेव गंगासिंधूओ तह चेव रत्तारत्तवईओ यव्वाओ पुरस्थिमेणं रत्ता पच्चत्थिमेणं रत्तवई अवसिद्धं तं चेव (अवसेसं भाणियव्वंति) सिहरिम्मि णं भंते ! वासहरपव्वए कइ कूडा पण्णत्ता ?, गोयमा ! इक्कारसकूडा पण्णत्ता, तं जहा - सिद्धाययणकूडे ९ सिहरिकूडे २ हेरण्णवयकूडे ३ सुवण्णकूलाकूडे ४ सुरा देवीकूडे ५ रत्ताकूडे ६ लच्छीकूडे ७ रत्तवईकूडे ८ इलादेवीकूडे ९ एरवयकूडे १० तिगिच्छिकूडे १९ एवं सव्वे वि कूडा पंचसइया रायहाणीओ उत्तरेणं । सेकेणणं भंते ! एवमुच्चइ - सिहरिवासहरपव्वए २ ?, गोयमा ! सिहरिंमि वासहरपव्वए बहवे कूडा सिहरि संठाणसंठिया सव्वरयणामया सिहरी य इत्थ देवे जाव परिवसइ, से तेणटुणं० ।
कहि णं भंते! जंबुद्दीवे दीवे एरावए णामं वासे पण्णत्ते ?, गोयमा ! सिहरिस्स उत्तरेणं उत्तरलवणसमुद्दस्स दक्खिणेणं पुरत्थिमलवणसमुदस्स पञ्च्चत्थिमेणं पञ्चत्थिमलवण समुद्दस्त पुरत्थिमेणं, एत्थ णं जंबुद्दीवे दीवे एरावए णामं वासे पण्णत्ते, खाणुबहुले कंटकबहुले एवं जा चैव भरहस्स वत्तव्वया सा चैव सव्वा निरवसेसा णेयव्वा सओअवणाय सणिक्खमणा सपरिनिव्वाणा णवरं एरावओ चक्कवही एरावओ देवो, से तेणट्टेणं एरावए वासे २ || सू० ४४ ॥
જમ્બુદ્વીપપ્રજ્ઞપ્તિસૂત્ર
