________________
४८०
जम्बूद्वीपप्रज्ञप्तिसूत्रे जोयणाई बाहल्लेणं सव्वकणगामई अच्छा वेइया वणसंडेणं सव्वओ समंता संपरिक्खित्ता वण्णओ, तीसेणं पंडुसिलाए चउहिसिं चत्तारि तिसोवाणपडिरूवगा पण्णत्ता जाव तोरणा वण्णओ, तीसेणं पंडुसिलाए उपि बहुसमरमणिज्जे भूमिभागे पण्णत्ते जाव देवा आसयंति, तस्स णं बहुसमरमणिज्जस्स भूमिभागस्स बहुमज्झदेसभाए उत्तरदाहिणेणं एत्थ णं दुवे सीहासणा पण्णत्ता पंच धणुसयाई आयामविक्खंभेणं अद्धाइ. जाइं धणुसयाइं बाहल्लेणं सीहासणवण्णओ भाणियव्वो विजयदूसवजोत्ति । तत्थ णं जे से उत्तरिल्ले सीहासणे तत्थ णं वहहिं भवणवइ वाणमंतरजोइसिय वेमाणिएहिं देवेहिं देवीहि य कच्छाइया तित्थयरा अभिसिच्चंति, तत्थ णं जे से दाहिणिल्ले सीहासणे तत्थ णं बहुहिं भवण जाव वेमाणिएहिं देवेहिं देवीहि य वच्छाइया तित्थयरा अभिसिच्चंति। कहि णं भंते ! पंडगवणे पंडुकंबलसिला णामं सिला पण्णता ?, गोयमा ! मंदरचूलियाए दक्खिणेणं पंडगवणदाहिणपेरते. एत्थ णं पंडगवणे पंडुकंबलसिला णामं सिला पण्णत्ता, पाईणपडीणायया उत्तरदाहिणवित्थिण्णा एवं तं चेव पमाणं वत्तव्यया य भाणियव्वा जाव तस्सणं बहुसमरमणिजस्स भूमिभागस्स बहुमज्झदेसभाए एत्थ णं महं एगे सीहासणे पण्णत्ते तं चेव सीहासणप्पमाणं तत्थ णं वहहिं भवणवह जाव भारहगा तित्थयरा अहिसिच्चंति । कहि णं भंते ! पंडगवणे रत्तसिला णामं सिला पण्णता ? गोयमा ! मंदरचूलियाए पच्चत्थिमेणं पंडगवणपञ्चस्थिमपेरंते, एत्थ णं पंडगवणे रत्तसिला णामं सिला पण्णत्ता उत्तरदाहिणायया पाईणपडीणविस्थिण्णा जाव तं चेव पमाणं सव्वतव. णिजमई अच्छा उत्तरदाहिणेणं एत्थ णं दुवे सीहासणा पण्णत्ता, तस्स णं जे से दाहिणिल्ले सीहासणे तत्थ णं बहुहिं भवण. पम्हाइया तित्थयरा अहिसिच्चंति, तत्थ णं जे से उत्तरिल्ले सीहासणे तस्थ णं बहहिं भवण० जाव वप्पाइया तित्थयरा अहिसिच्चंति, कहिणं भंते ! पंडगवणे रत्तकंबलसिला णामं सिला पण्णत्ता ?, गोयमा! मंदरचूलियाए
જમ્બુદ્વીપપ્રજ્ઞપ્તિસૂત્ર
