________________
३११
प्रकाशिका टीका - चतुर्थवक्षस्कारः सू० २६ विभागमुखेन कच्छविजयनिरूपणम् मालवंतस्स वक्खारपव्वयस्स पुरत्थिमेणं उसभकूडस्स पञ्चत्थिमेणं नीलवंतस्स वासहरपव्वयस्स दाहिणिल्ले जितंबे एत्थ णं जंबुद्दीवे दीवे महाविदेहे वासे उत्तरढकच्छविजए सिंधु कुंडे णामं कुंडे पण्णत्ते, सट्ठि जोयणाणि आयामविवखंभेणं जाव भवणं अट्टो रायहाणी य णेयव्वा, भरहसिंधु कुंडसरिसं सव्वं णेयव्वं जाव तस्स णं सिंधुकुंडस्स दाहिजिल्लेणं तोरणेणं सिंधु महाणई पवूढा समाणी उत्तरद्धकच्छविजयं एज्जेमानी सत्तहिं सलिलासहस्सेहिं आपूरेमाणी२ अहे तिमि सगुहाए वेयद्धपव्वयं दालयित्ता दाहिणकच्छविजयं एज्जेमाणी २ चोदसहिं सलिलासहस्सेहिं समग्गा दाहिणेणं सीयं महाणई समप्पे, सिंधु महाणई पवहे य मूले य भरहसिंधुसरिसा पमाणेणं जाव दोहिं वणसंडेहिं संपरिक्खित्ता । कहि णं भंते! उत्तरद्धकच्छविजए उसभकूडे णामं पव्व पण्णत्ते ?, गोयमा ! सिंधुकुंडस्स पुरत्थिमेणं गंगाकुंडस्स पञ्चत्थिमेणं णीलवंतस्स वा सहरफव्वयस्स दाहिणिल्ले णितंबे एत्थ णं उत्तरद्धकच्छविजए उसहकूडे णामं पव्वए पण्णत्ते, अट्ठ जोयणाई उद्धं उच्चत्तेणं तं चैव पमाणं जाव रायहाणी से णवरं उत्तरेणं भाणिवा । कहि णं भंते । उत्तरद्धकच्छे विजय गंगाकुंडे णामं कुंडे पण्णत्ते ? गोयमा ! चित्तकूडस्स वक्खारपव्वयस्स पञ्चत्थिमेणं उसहकूडस्स पव्वयस्स पुरस्थिमेणं णीलवंतस्स वासहरपव्वयस्स दाहिणिल्ले णितं एत्थ णं उत्तरद्धकच्छे गंगा कुंडे णामं कुंडे पण्णत्ते सट्रि जोयणाई आयाम विक्खंभेणं तहेव जहा सिंधू जाव वणसंडेण य संपरिदिखत्ता । से केणणं भंते ! एवं बुच्चइ कच्छे विजए कच्छे विजए ?, गोयमा ! कच्छे विजए वेयद्धस्स पव्वयस्स दाहिणेणं सीयाए महाणईए पञ्चत्थिमेणं दाहिणद्धकच्छविजयस्स बहुमज्झदे सभाए, एत्थ णं खेमाणामं रायहाणी पण्णत्ता विणीया रायहाणीसरिसा भाणियव्वा, तत्थ णं
माए रायहाणीए कच्छे णामं राया समुप्पनइ, महया हिमवंत जाव सव्वं भरहोयवणं भाणियव्वं निक्खमणवज्जं सेसं सव्वं भाणियव्वं
જમ્બુદ્વીપપ્રજ્ઞપ્તિસૂત્ર
