________________
३१०
__जम्बूद्वीपप्रज्ञप्तिसूत्रे विदेहे वासे दाहिणद्धकच्छे णामं विजए पण्णत्ते, उत्तरदाहिणायए पाईणपडीणवित्थिणे अट्ट जोयणसहस्साइं दोणि य एगसत्तरे जोयणसए एकं च एगूणवीसइ भागं जोयणस्स आयामेणं दो जोयणसहस्साई दोणि य तेरसुत्तरे जोयणसए किंचिविसेसूणे विक्खंभेणं पलियंकसंठाणसंठिए, दाहिणद्धकच्छस्स णं भंते ! विजयस्स केरिसए आयारभावपडोयारे पण्णत्ते ?, गोयमा! बहुसमरमणिज्जे भूमिभागे पण्णत्ते, तं जहा कित्तिमेहिं चेव अकित्तिमेहिं चेव, दाहिणद्धकच्छे णं भंते ! विजए मणुयाणं केरिसए आयारभावपडोयारे पण्णत्ते ?, गोयमा! तेसिणं मणुयाणं छव्विहे संघयणे जाव सव्वदुक्खाणमंतं करेंति ।
कहिणं भंते ! जंबुद्दीवे दीवे महाविदेहे वासे कच्छे विजए वेयद्धे णामं पव्वए ?, गोयमा दाहिणद्धकच्छविजयस्त उत्तरेणं उत्तरद्धकच्छस्स दाहिणेणं चित्तकूडस्स पञ्चस्थिमेणं मालवंतस्त वक्खारपव्वयस्स पुरस्थि मेणं एत्थणं कच्छे विजए वेयद्धे णामं पवए पण्णत्ते, तं जहा पाईणपडीणायए उदीणदाहिणवित्थिणे दुहा वक्खारपवए पुढे पुरथिमिल्लाए कोडीए जाव दोहिं वि पुढे भरहवे यद्धसरिसए णवरं दो गाहाओ जीवा धणुप, च णं कायव्वं विजयविक्खंभसरिसे आयामेणं, विक्खंभो उच्चत्तं उव्वेहो तहेव च विजाहर आभियोगसेढीओ तहेव, णवरं पणपण्णं २ विजाहरणगरावासा पण्णत्ता,आभियोगसेढीए उत्तरिल्लाओ सेढीओ सीयाए ईसाणस्स सेसाओ सकस्सत्ति, कुडा-सिद्धे १ कच्छे २ खंडग ३ माणी४ वेयद्ध५ पुण्ण ६ तिमिसगुहा ७ कच्छ ८ वेसमणे ९ वा वेयद्धे होंति कूडाइं ॥१॥
कहि णं भंते ! जंबुद्दीवे दीवे महाविदेहे वासे उत्तरद्धकच्छे णामं विजए पण्णत्ते ?, गोयमा ! वेयद्धस्स पव्वयस्स उत्तरेणं णीलवंतस्स वासहरपव्वयस्स दाहिणेणं मालवंतस्स वक्खारपव्वयस्स पुरथिमेणं चित्तकूडस्स वक्खारपव्वयस्स पञ्चस्थिमेणं एत्थ णं जंबुद्दीवे दीवे जाव सिझंति, तहेव णेयव्वं सव्वं । कहि णं भंते ! जंबुद्दीवे दीवे महाविदेहे वासे उत्तरद्धकच्छे विजए सिंधुकुडे णामं कुंडे पण्णत्ते ?, गोयमा !
જમ્બુદ્વીપપ્રજ્ઞપ્તિસૂત્રા
