________________
२५६
जम्बूद्वीपप्रज्ञप्तिसूत्रे भिंगा भिंगप्पभा चेव, अंजणा कज्जलप्पभा ।
सिरिकता सिरिमहिमा, सिरिचंदा चेव सिरिनिलया ॥२॥ जंबूए णं पुरथिमिल्लस्स भवणस्स उत्तरेणं उत्तरपुरस्थिमिल्लस्स पासायवडेंसगस्स दक्खिणेणं एत्थ णं कूडे पण्णत्ते, अट्ट जोयणाई उद्धं उच्चत्तेणं, दो जोयणाई उव्वेहेणं मूले अटुजोयणाइ आयामविलंभेणं बहुमज्झदेसभाए छ जोयणाई आयामविक्खंभेगं उवरिं चत्तारिजोयणाई आयामविक्खंभेणं
पणवोसटारस बारते मूले य मज्झि उवरिं च । सविसेसाई परिरओ कूडस्त इमस्स बोद्धव्वो ॥१॥
मूले वित्थिपणे मझे संखित्ते उवरिं तणुए सव्वकणगामए अच्छे वेड्या-वणसंडवपणओ, एवं सेसावि कूडा इति ।
जबूए णं सुदंसणाए दुवालस णामधेज्जा पण्णत्ता, तं जहासुदंसणा १ अमोहा २ य, सुप्पबुद्धा ३ जसोहरा ४ ।
विदेह जंबू ५ सोमणसा ६ णियया ७ णिच्चमंडिया ८ ॥१॥ सुभद्दा ९ य विसाला १० य, सुजाया ११ सुमणा १२ विया। सुदंसणाए जंबूए णामधेज्जा दुवालस ॥२॥
जंबूए णं अट्ठमंगलगा पण्णता, से केणटेणं भंते ! एवं वुच्चइ जंबू सुदंसणा २१, गोयमा ! जंबूए णं सुदंसणाए अणाढिए णाम जबूद्दीवाहिवई परिवसइ महिद्धीए. से णं तत्थ च उण्हं सामाणियसाहस्सीणं जाव आयरक्खदेवसाहस्सीणं, जंबूदीवस्स णं दीवस्स जंबूए सुदंसणाए अणाढियाए रायहाणीए अण्णेसिं च बहूण देवाण य देवीण य जाव विहरइ, से तेणटेणं गोयमा! एवं बुच्चइ, अदुतरं च णं गोयमा! जंबूसुदंसणा जाव भुविं च ३ धुवा णियया सासया अक्खया जाक अवटिया । कहिणं भंते ! अणाढियस्स देवस्स अणाढिया णामं रायहाणी पण्णत्ता ?, गोयमा : जंबूद्दीवे मंदरस्स पव्वयस्त उत्तरेणं जंचेव
જમ્બુદ્વીપપ્રજ્ઞપ્તિસૂત્ર
