________________
२५४
जम्बूद्वीपप्रज्ञप्तिसूत्रे अथ यन्नाम्नायं जम्बूद्वीपः ख्यातस्तां सुदर्शनानाम्नी जम्बू विवक्षुस्तदधिष्ठानमाह
मूलम-कहि गं भंते! उत्तरकुराए २ जंबूपेढे णामं पेढे पण्णते ?, गोयमा ! णीलवंतस्स वासहरपव्वयस्स दक्खिणेणं मंदरस्स उत्तरेणं माल वंतस्स वक्यारपव्वयस्स पञ्चस्थिमेणं सीयाए महाणईए पुरथिमिल्ले कूले एत्थ णं उत्तरकुराए जंबूपेढे णामं पेढे पण्ण ते, पंच जोयणसयाई आयामविक्खंभेणं पण्णरस एक्कासीयाइं जोयणसयाई किचिविसेसाहियाइं परिक्खेवेणं, बहुमज्झदेसभाए बारस जायणाई बाहल्लेणं तयणंतरं च णं मायाए २ पएसपरिहाणीए २ सव्वेसु णं चरिमपेरंतेसु दो दो गाउयाई बाहल्लेणं सव्वजंबूणयामए अच्छे, से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, दुण्हंपि वण्णओ,
तस्स णं जंबूपेढस्स चउदिसिं एए चत्तारि तिसोवाणपडिरूवगा पण्णता, वण्णओ जाव तारणाई, तस्स णं जंबूपेढस्स बहुमझदेसभाए एत्थणं मणिपेढिया पण्णत्ता, अटजायणाई आयामविक्खंभेणं, चत्तारि जोयणाई बाहल्लेणं, तीसे णं मणिपेढियाए उप्पिं एत्थ णं जंबूसुदंसणा पण्णता, अट्ट जोयणाई उद्धं उच्चत्तेणं अद्धजोयणं उव्वेहेणं, तीसेणं खंधो दो जोयणाई उद्धं उच्च तेणं अद्धजोयणं बाहल्लेणं, तीसे णं साला छ जोयणाई उद्धं उच्च तेणं बहुमज्झदेसभाए अट्ट जोयणाई आयामविक्वं. भेणं साइरेगाई अटु जायणाई सव्वग्गेणं, तीसे णं अयमेयारूवे वपणावासे पण्णत्ते-वइरामया मूला रययसुपइट्ठियविडिमा जाव अहियमणणिव्वुइकरी पासाईया दरिसणिज्जा.
जंबूए णं सुदसणाए चउदिसिं चत्तारि साला पण्णत्ता, तेसि णं सालाणं बहुमज्झदेसभाए एत्थ णं सिद्धाययणे पण्णत्ते, कोसं आयामेणं अद्धकोणं विक्खंभेणं देसूणगं कोसं उद्धं उच्चत्तेणं अणेगखंभसयसण्णिबिद्रे जाव दारा पंचधणुसयाई उद्धं उच्चत्तेणं जाव वणमालाओ मणिपेढिया पंचधणुसयाइं आयामविक्खंभेणं अद्धाइजाइं धणुसयाइं बाहल्लेणं, तीसे
જમ્બુદ્વીપપ્રજ્ઞપ્તિસૂત્રા
