________________
.९१०........
जम्बूद्वीपप्रज्ञप्तिसूत्रे णिज्जस्स भूमिभागस्स बहुमज्झदेसभाए एत्थणं महं एगं अभिसेयमंडवं विउव्वंति अणेगखंभसयसण्णिविढे जाव गंधवट्टिभूयं पेच्छाघरमंडवं. वण्णगो ति, तस्सणं अभिसेयमंडवस्स बहुमज्झदेसभाए एत्थ णं महं एंग अभिसेयपेटं विउव्वंति अच्छं सहं, तस्स णं अभिसेयपेढस्स तिदिसिं तओ तितोवाणपडिरूवए विउब्धति तेसिणं तिसोवाणपडिरूपगाणं अयमेयारूवे वण्णावासे पण्णत्ते जाव तोरणा, तस्स णं अभिसेयपेढस्स बहुसमरमणिज्जे भूमिभागे पण्णत्ते तस्सणं बहुसमरमणिज्जस्स भूमिभागरस बहुमज्झदेसभाए एत्थण महं एगं सीहासणं विउव्वंति तस्संण सीहासणस्स अयमेयारूबे वण्णावासे पण्णत्ते जाव दामवण्णगं समत्तंति तए णं ते देवा अभिसेयमंड विउव्वंति विउवित्ता जेणेव भरहे राया जाव पच्चप्पिणंति । तए णं से भरहे राया आभिओगाणं देवाणं अंतिए एयमढं सोचा णिसम्म हट्ट तुट्ठ जाव पोसहसालाओ पडिणिक्समइ, पडिणिक्खमिता कोडंबियपुरिसे सदावेइ सदावित्ता एवं वयासी-खिप्पामेव भो देवाणुप्पिाया ! आभिसेक्कं हत्थिरयणं पडिकप्पेह पडिकप्पित्ता हयगय जाव सण्णाहेत्ता एयमाणत्तिवं पच्चप्पिणह जाव पच्चप्पिणंति तरणं से भरहे राया मज्जणघरं अणुपविसइ जाव अंजणगिरिकूडसंणिभं गयवई णखईदूरूढे तए णं तस्स भरहस्स रण्णो अभिसेक्कं हत्थिरयणं दूरूढस्स समाणस्स इमे अट्ठमंगलगा जो चेव गमो विणीयं पविसमाणस्स सोचेव णिक्सममाणस्स वि जाव अप्पडिबुज्झमाणे विणीयं रायहाणीयं मज्झं मज्झेणं णिगच्छइ णिग्गच्छित्ता जेणेव विणीयाए रायहाणीए उत्तरपुरस्थिमे दिसीमाए अभिसेयमंडवे तेणेव उवागच्छइ उवागच्छिताअभिसेय मंडवदुवारे आभिसेक्कं हत्थिरयणं ठगवेइ ठवित्ता आभि सेक्काओ हत्थिरयणाओ पच्चोरुहए पच्चोरुहित्ता इत्थीरयणेणं बत्तीसाए उडुकल्लणिया सहस्सेहि बतीसाए जणवयकल्लाणिया सहस्सेहिं बत्तीसाए बत्तीसइ बद्धेहिं णाडगसहस्सेहि सद्धिसंपखुिडे अभिसेयमंडवं अणुपविसइ,
જમ્બુદ્વીપપ્રજ્ઞપ્તિસૂત્ર
