Page Text
________________
जम्बूद्वीपप्रज्ञप्तिसूत्रे रिट्ठामया पइटाणा वेरुलियामया खंभा सुवण्णमया फलगा लोहियक्खमईओ सूईओ वइरामई संधि णाणामणिमया कलेवरा णाणामणिमया कलेवरसंघाडा णाणामणिमया रूवा णाणामणिमया रूवसंघाडा अंकामया पक्खा पक्खवाहाओ य जोइरसामया वंसा वंसकवेल्लुया य रययामईओ पट्टियाओ जायरूवमईओ ओहाडणीओ वइ रामईओ उवरि पुंछणीओ सव्वसेए रययामए छायणे साणं पउमवरवेइया एगमेगेणं हेमजालेणं एगमेगेणं कणगवक्खजालेणं एगमेगेणं खिखिणीजालेणं एगमेगेणं घंटाजालेणं एगमेगेणं मुत्ताजालेणं एगमेगेणं मणिजालेणं एगमेगेणं कणगजालेणं एगमेगेणं रयणजालेणं एगमेगेणं पउमजालेणं सव्वरयणामएणं सवओ समंता संपरिक्खित्ता, ते णं जाला तवणिज्जलंबूसगा सुवण्णपयरमंडिया णाणामणिरयणहारद्धहार उवसोभियसमुदया ईसिअण्णमण्णसंपत्ता पुव्वावरदाहिणुत्तरागएहिं वाएहिं मंदायं मंदायं एइज्जमाणा एइज्जमाणा पलंबमाणा पलंबमाणा पझंझमाणा पझंझमाणा ओरालेणं मणुण्णेणं मणहरेणं कण्णमणणिव्वुइकरेणं सद्देणं ते पएसे सव्वओ समंता आपूरेमाणा सीरिए अईव २ उपसोभेमाणा २ चिट्ठति । तीसेणं पउमवरवेइयाए तत्थ तत्थदेसे तहि तहि बहवे हयसंघाडा गयसंवाडा णरसंघाडा किंनरसंघाडाकिंपुरिससंघाडा महोरगसंघाडा गंधव्वमंघाडा वसहसंघाडा सव्वरयणामया जाव पडिरूवा, एवं पंतीओवि विहीओवि मिहुणगाइवि च तीसे णं पउमवरवेइयाए तत्थ तत्थदेसे तहि २ बहुईओ पउमलयाओ नागलयाओ असोगलयाओ चंपगलयाओ वणलयाओ वासंतीलयाओ अइमुत्तलयाओ कुंदलयात्रो सामलयाओ णिच्चं कुसुमियाओ णिच्चं मउलियाओ णिच्चं लवइयाओ णिच्चं थवइयाओ णिच्चं गुलइयाओ णिच्चं गुच्छियाओ णिच्चं जमलियाओ णिच्चं जुयलियाओ णिच्च विणमियाओ णिच्चं पणमियाओ णिच्चं सुविभत्तपडिपिंडमंजरिवडिसगधरीओ णिच्चं कुसुमियमउलियलवइयथवइय गुलइयगुच्छियजमलिय जुयलिय विणमिय पणमिय सुविभत्तपडिपिंडमंजरीवडिसगधरीओ सव्वरयणामईओ अच्छा जाव पडिरूवा, तीसेणं पउमवरवेइयाए तत्थ तत्थ देसे तहिं २ बहवे अक्खयसोत्थिया पण्णत्ता सव्वरयणामया अच्छा जाव पडिरूवा, से केणडेणं भंते ! एवं बच्च-पउमवरवेइया २१, गोयमा ! पउमवरवेइयाए तत्थ तत्थ देसे तहि तर्हि वेइयासु वेइयाबाहासु वेइयापुडंतरेसु खंभेसु खंभवाहास खंभसोसेसु खंभपुडंतरेसु सूईसु सूइमु. देस सूईफलएसु सूईपुडंतरेसु पक्खेसु पक्ववाहासु बहूई उप्पलाइं पउमाई कुमुयाइं सुभगाई पोंडरीयाई महापोंडरीयाई सयवत्ताई सहस्सवत्ताई सव्वरयणामयाइं अच्छाइं जाव पडिरूवाई महावासिक्कछत्तसमाणाइं पण्णत्ताइं समणाउसो ? से एएणटेणं गोयमा ! एवं बच्चइ-पउमवरवेइया२, अदुत्तरं च णं गोयमा ! पउमवरवेइयाए सासए णामधेज्जे पणत्ते । पउमवरवेइयाणं भंते ! किं सासया असासया ? गोयमा ! सिय सासया सियअसासया, से केणटेणं० ? गोयमा दव्वट्टयाए सासया वण्णपज्जवेहिं गंधपज्जवेहिं रसपज्जवेहिं फासपज्जवेहि असासया, से तेणटेणं एवं बुच्चइ सिय सासया सिय असामया। पउमवरवेइयाणं भंते ! कालओ केवच्चिरं होइ ? गोयमा ! ण कयाइ णासी ण क
જમ્બુદ્વીપપ્રજ્ઞપ્તિસૂત્ર
| SR No. | 006354 |
| Book Title | Agam 18 Upang 07 Jambudveep Pragnapti Sutra Part 01 Sthanakvasi |
| Original Sutra Author | N/A |
| Author | Ghasilal Maharaj |
| Publisher | A B Shwetambar Sthanakwasi Jain Shastroddhar Samiti |
| Publication Year | 1980 |
| Total Pages | 992 |
| Language | Sanskrit, Hindi, Gujarati |
| Classification | Book_Devnagari, Agam, Canon, & agam_jambudwipapragnapti |
| File Size | 62 MB |