________________
४१२
सूर्यप्रज्ञप्तिसूत्रे एगे पुण एवमाहंसु १६-ता वालग्गपोतिया संठिया चंदिमसूरिय संठिई पन्नत्ता, एगे एवमाहंसु १६ ॥ तत्थ जे ते एवमाहंसु ता समचउरंससंठिया चंदिमसूरियसंठिई पन्नत्ता, एएणं गएणं णेयव्वं णोचेव णं इतरेहिं । ता कहं ते तावक्खेत्तसंठिई आहियाति, तत्थ खलु एमाओ सोलसपडिवत्तिओ पन्नत्ताओ, तत्थ णं एगे एवमाहंसु ता गेहसंठिया तावक्खेत्तसंठिई पन्नत्ता, एगे एवमाहंसु १, एगे पुण एवमाहंसु ता जस्संठिए जंबुद्दीवे तस्संठिया तावक्खेत्तसंठिई पन्नत्ता, एगे एवमासु ९, एगे पुण एवमाहसु ता जस्संठिए भारहे वासे तस्संठिई पण्णत्ता १०, एवं उजाणसंठिया निजाणसंठिया एगतो णिसहसंठिया, दुहतो णिसहसंठिया सेयणगसंठिया एगे एवमाहंसु, एगे पुण एवमाहंसु, ता सेणगपट्टसंठिया तावक्खेत्तसंठिई पण्णत्ता, एगे एवमाहंसु १६, वयं पुण एवं वयामो, ता उद्धीमुहकलंबुआपुप्फसंठिया तावक्खेत्तसंठिई पन्नत्ता, अंतो संकुडा बाहिं वित्थडा अंतो वट्टा बाहिं पिथुला अंतो अंकमुहसंठिया बाहिं सस्थिमुहसंठिया उभयो पासेणं तीसे दुवे बाहाओ अवट्ठियाओ भवंति पणयालीसं २ जोयणसहस्साई आयामेणं, तीसे दुवे बाहाओ अणवट्ठियाओ भवंति तं जहा -सव्वभंतरिया चेव बाहा सव्वबाहिरिया चेव बाहा, तत्थ को हेऊ त्ति वएजा, ता अयण्णं जंबुद्दोवे दीवे जाव परिक्खेवेणं, ता जया णं सूरिए सव्वभंतरं मंडलं उवसंकमित्ता चारं चरइ, तया णं उद्धीमुहकलंबुआ पुप्फसंठिया तावक्खेत्तसंठिई आहिताति वएजा अंतो संकुडा बाहिं वित्थडा अंतो वट्टा बाहिं विथुला अंतो अंकमुहसंठिया बाहिं सत्थिमुहसंठिया, दुहओ पासेणं तीसे तहेव जाव सव्वबाहिरिया चेव बाहा, तीसेणं सव्वभंतरीया बाहा मंदरपवयं तेणं णव जोयणसहस्साई चत्तारि य छलसीए जोयणसए णव य दस भागे जोयणस्स परिक्खेवेणं आहिताति वएज्जा, ता से णं परिक्खेवविसेसे कओ आहिता ति वएजा, ता जे णं
શ્રી સુર્યપ્રજ્ઞપ્તિ સૂત્ર: ૧
