________________
२९८
सूर्यप्रज्ञप्तिसूत्रे णं इहगयस्स मणुस्सस्स एकतीसाए जोयणेहिं अट्ठहिं एकतीसेहिं जोयणसएहिं तीसाए य सटिभागेहिं जोयणस्स सूरिए चक्खुप्फासं हवमागच्छइ, तया णं उत्तमकट्टपत्ता उकोसिया अट्ठारसमुहुत्ता राई भवइ, जहण्णिए दुवालसमुहत्ते दिवसे भवइ, एस पं पढमे छम्मासे एस णं पढभस्स छम्मासस्स पज्जवसाणे ॥ से पविसमाणे सूरिए दोच्चं छम्मासं अयमाणे पढ़मंसि अहोरत्तसि बाहिराणतरं मंडलं उवसंकमित्ता चारं चरइ, ता जया णं सूरिए बाहिराणंतरं मंडलं उवसंकमित्ता चारं चरइ तया णं पंच पंच जोयणसहस्साई तिणि य चउरुत्तरे जोयणसए सत्तावण्णं च सट्रिभाए जोयणस्स एगमेगेणं मुहुत्तेणं गच्छइ, तया णं इहगयस्स मणुस्सस्स एकतीसाए जोयणसहस्सेहिं नहि य सोलेहिं जोयणसएहिं एगणतालीसाए सद्विभागेहिं जोयणस्स सट्रिभागं च एगदिहा छेत्ता सट्रिए चुणियामागे सूरिए चक्खुप्फासं हव्वमागच्छइ, तया णं राइंदियं तहेव, से पविसमाणे सूरिए दोच्चंसि अहो. रत्तंसि बाहिरं तच्चं मंडलं उवसंकमित्ता चारं चरइ, ता जया णं सूरिए बाहिरं तच्चं मंडलं उवसंकमित्ता चारं चरइ तया णं पंच पंच जोयणसहस्साई तिषिण य चउत्तरे जोयणसए ऊतालीसं च सट्रिभागे जोयणस्स एगमेगेणं मुहुत्तेणं गच्छइ, तया णं इहगयस्स मणुस्सस्स एगाहिगेहिं बत्तीसाए जोयणसहस्सेहिं एकावण्णाए य सढिभागेहि जोयणस्स सटिभागं च एगद्विधा छेत्ता तेवीसाए चुणियाभागेहिं सूरिए चक्खुप्फासं हवमागच्छइ, राइंदियं तहेव एवं खलु एएणुवाएणं पविसमाणे सूरिए तयाणंतराओ तयाणंतरं मंडलाओ मंडलं संकममाणे संकममाणे अट्ठारस अट्ठारस सटिभागे जोयणस्स एगमेगे मंडले मुहत्तगई णिवुडमाणे णिवुड्डेमाणे साइरेगाई पंचासीति पंचासीति जोयणाई पुरिच्छायं अभिवुड्डेमाणे अभिवुड्डेमाणे सव्वभंतरं मंडलं उवसंकमित्ता चारं चरइ ता जया णं सूरिए सवभंतरं मंडलं उवसंकमित्ता चारं
શ્રી સુર્યપ્રજ્ઞપ્તિ સૂત્ર: ૧
